Numbers 26 - Iñupiatun Mumiksat Uqalugiksuat

Kisitchiñiġum Iñugnik Tuglia

¹ Iłuiḷḷiuġutiqpak pianigman Atanġum uqallautiŋagaik Moses-lu Eleazar-lu, iġñiŋa Aaron-gum, aŋaiyyuliqsiqpauruam,

² “Kisitchigik Israel-gum kiŋuvaaŋich qitunġaġiiksuatigun, aŋutaupayaaqtuat iñuiññaqtun (20) ukiuniŋaruat naakka utuqqaułhaaqtuat aŋuyaktauyumiñaqtuat.”

^3-4 Moses-lu Eleazar-lu kamaksrivḷutiŋ ququaqługich katinniġaich aŋutipayaurat tainnatun ukiuqaqtuat. Katinniqsut qaiqsuaŋiñi Moab akiani Jordan River-m Jericho-miñ. Ukua Israel-gum kiŋuvaaŋich Egypt-minŋaŋaruat:

⁵ Maŋŋuqaqtuat Reuben-mik (Reuben aŋayukłiq iġñiŋa Jacob-gum): iḷaŋich Hanoch-guvlu, Pallu-vlu,

⁶ Hezron-guvlu, suli Carmi-m.

⁷ Taapkua iḷagiiksuat iñugiaktilaaqaŋarut 43,730-tun.

⁸ Kiŋuvaaŋich Pallu-m Eliab

⁹ iġñiŋiḷḷu Nemuel, Dathan, suli Abiram. (Tavra taapkua Dathan-lu Abiram-lu naliġaaġiŋaraŋich nunaaqqiuruat. Akiḷḷiqsruliŋaruat Moses-miglu Aaron-miglu iḷḷativlutiŋ maliġuaqtiŋiñun Korah-m akiḷḷiqsruliqł̣ugu Ataniq.

¹⁰ Nuna agmaqhuni umŋutiŋagaa Korah taputivlugik Dathan-lu Abiram-lu, igniġum tuqunmagich 250-tun iñugiaktigiruat maliguaqtiŋi; taapkua iḷisimanaqsipkaŋagaat suna anayanaqtilaaŋa iñugnun.

¹¹ Iḷaŋich aglaan iġñiŋich Korah-m tuqutauŋaiñŋarut.)

¹² Maŋŋuqaqtuat Simeon-mik: iḷagiraŋich Nemuel-gum, Jamin, Jachin,

¹³ Zerah, suli Shaul-gum.

¹⁴ Maŋŋuqaqtuat Simeon-mik iñugiaktilaaqaŋarut 22,200-tun.

¹⁵ Maŋŋuqaqtuat Gad-mik: iḷagiraŋich Zephon-gum, Haggi, Shuni,

¹⁶ Ozni, Eri,

¹⁷ Arod, suli Areli.

¹⁸ Maŋŋuqaqtuat Gad-mik iñugiaktilaaqaŋarut 40,500-tun.

^19-21 Maŋŋuqaqtuat Judah-mik: iḷagiraŋich Shelah-m, Perez-gum (igñiŋik Hezron-lu Hamul-lu), Zerah-m. (Judah-m iġñiŋik, Er-lu Onan-lu, tuquŋaruk nunaŋani Canaan.)

²² Taapkua iḷagiraŋich Judah-m iñugiaktilaaqaŋarut 76,500-tun.

²³ Maŋŋuqaqtuat Issachar-mik: iḷagiraŋich Tola-m, Puah-m,

²⁴ Jashub-gum, suli Shimron-gum.

²⁵ Taapkua iḷagiraŋich Issachar-m iñugiaktilaaqaŋarut 64,300-tun.

²⁶ Maŋŋuqaqtuat Zebulun-mik: iḷagiraŋich Sered-gum, Elon-gum, suli Jahleel-gum.

²⁷ Taapkua iḷagiraŋich Zebulun iñugiaktilaaqaŋarut 60,500-tun.

²⁸ Maŋŋuqaqtuak Joseph-mik: Aapagiraŋak malġuuruak iġñiŋiksa, Manasseh-vlu Ephraim-guvlu.

²⁹ Maŋŋuqaqtuat Manasseh-mik: Machir iġñiŋa Manasseh-m aapagiraa Gilead-gum, ukua aasii iḷagiiksuat maŋŋuqaŋarut Gilead-mik:

³⁰ iḷagiraŋich Iezer-m, Helek-gum,

³¹ Asriel-gum, Shechem-gum,

³² Shemida-m, suli Hepher-m.

³³ Zelophehad iġñiŋa Hepher-m iġñiqaŋaitchuq, paniqaqsiññaqłuni; Atiŋich Mahlah, Noah, Hoglah, Milcah, suli Tirzah.

³⁴ Taapkua iḷagiraŋich Manasseh-m iñugiaktilaaqaŋarut 52,700-tun.

³⁵ Maŋŋuqaqtuat Ephraim-mik: iḷagiraŋich Shuthelah-m, Becher-m, suli Tahan-gum.

³⁶ Iḷagiraŋich Eran kiŋuniiġigaich Shuthelah-m.

³⁷ Taapkua iḷagiraŋich Ephraim-gum iñugiaktilaaqaŋarut 32,500-tun. Ukua iḷagiiksuat kiŋuvaaġigaich Joseph-gum.

³⁸ Maŋŋuqaqtuat Benjamin-mik: iḷagiraŋich Bela-m, Ashbel-gum, Ahiram-gum,

³⁹ Shephupham-gum, suli Hupham-gum.

⁴⁰ Iḷagiraŋich Ard-gum Naaman-guvlu kiŋuvaaŋich Bela-m.

⁴¹ Taapkua iḷagiraŋich Benjamin-gum iñugiaktilaaqaŋarut 45,600-tun.

⁴² Maŋŋuqaqtuat Dan-mik: iḷagiraŋich Shuham-gum,

⁴³ iñugiaktilaaqaŋarut 64,400-tun.

⁴⁴ Maŋŋuqaqtuat Asher-mik: iḷagiŋagaich Imnah-m, Ishvi-m, suli Beriah-m.

⁴⁵ Iḷagiraŋich Heber-vlu Malchiel-guvlu kiŋuvaaŋich Beriah-m.

⁴⁶ Asher paniqaŋaruaq atiqaqtuamik Serah-mik.

⁴⁷ Taapkua iḷagiiksuat iñugiaktilaaqaŋarut 53,400-tun.

⁴⁸ Maŋŋuqaqtuat Naphtali-mik: iḷagiraŋich Jahzeel-gum, Guni-m,

⁴⁹ Jezer-m, suli Shillem-gum.

⁵⁰ Taapkua iḷagiiksuat iñugiaktilaaqaŋarut 45,400-tun.

⁵¹ Katiłługich iñugiaktilaaqaŋarut Israel-gum kiŋuvaaŋisa aŋutiŋich 601,730-tun.

⁵² Ataniq uqallaktuq Moses-mun,

⁵³ “Aviktuaġisigiñ nuna maŋŋuqallaaruanun kiŋuvaannaktaaksraŋat, iñugiaktilaallaaŋatitun.

^54-56 Aviktuaġlugu nuna nalautchuġautikun, aasii aŋilluktuaq qaiḷḷugu iñugiaktuanun maŋŋuŋisigun aasii mikiruat iñukitchuanun.”

⁵⁷ Maŋŋuqaqtualli Levi-mik iḷaqaŋarut iḷagiraŋiñik Gershon-gum, Kohath-gum, suli Merari-m.

⁵⁸ Kiŋuniiqaŋarut iḷagivlugich Libni-ḷu, Hebron-lu, Mahli-ḷu, Mushi-ḷu, suli Korah. Kohath una aapagiŋagaa Amram-gum,

⁵⁹ katinŋaruaq Levi-m panianik Jochebed-mik, aniŋaruamik Egypt-mi. Amram iġñiqaqtinŋaraŋa malġugnik, Aaron-miglu Moses-miglu, suli paniqaqłuni, Miriam-mik.

⁶⁰ Aaron iġñiqaŋaruq sisamanik ukuniŋa, Nadab, Abihu, Eleazar, suli Ithamar.

⁶¹ Nadab-lu Abihu-lu tuquŋaruak aitchuigamiŋ salumaitchuamik igniġmik Ataniġmun.

⁶² Aŋutauruat Levi-m kiŋuvaaŋich ukiuqaqtuat atausimik tatqimik naagga utuqqaułhaaqhutiŋ iñugiaktigiŋarut 23,000-tun. Agliurrauŋaruat ilaaguaqługich Israel-gum kiŋuvaaŋiññiñ, qanukkii aitchuŋaił̣ł̣ugich kiŋuvaannaktaaksraŋiññik nunanik Israel-mi.

⁶³ Iluqaisa taapkua iḷagiich agliutiŋaraŋich Moses-gum Eleazar-vlu aŋaiyyuliqsiqpauruam kisitchigamiŋ Israel-gum kiŋuvaaŋiññik qaiqsuaŋiñi Moab akiani Jordan River-m Jericho-miñ.

⁶⁴ Atausiq unnii kisiŋŋuqtauŋaiñŋaruq Moses-lu Aaron-lu, aŋaiyyuliqsiqpak, kisiñŋaraŋiññi sivulliġmi kisitchigamik Sinai Desert-mi.

⁶⁵ Qanuq Atanġum uqallautiŋagaich taipkua Israel-gum kiŋuvaaŋich tuquġaaġniaġnivḷugich nunagluktuami, aasii nalliat unnii kisiŋŋuqtauŋaiñŋaruq aglaan Caleb iġñiŋa Jephunneh-m suli Joshua iġñiġiraa Nun-gum.