Numbers 2 - Iñupiatun Mumiksat Uqalugiksuat

Inillaktuġniŋat Maŋŋuuqatigiiksuat Nullaummivigmigni

¹ Atanġum uqautiŋagaik Moses-lu Aaron-lu ukuniŋa maliġiraksraŋiññik.

² Israel-gum kiŋuvaaŋich nullaqpata, iñullaa nullaġniaqtuq ataani nalunaiñŋutaġmi aasiisuli takuyaŋanni nanmiñiq iḷami. Nullaqtuat inillaktuksraurut uŋasiuraġutik, avataanun Tupqum Atanġum nayuqtauviata.

^3-9 Qavanitchiani, nalunaiñŋutaqaqtuat Judah-m takuyaŋanik nullaġniaqtut iniksrallaamignun, aullarriqallaalutiŋ, ukunatun: Maŋŋuuruat Aullarrich Qavsiutilaaŋich Judah Nahshon iġñiŋa Amminadab 74,600 Issachar Nethanel iġñiŋa Zuar-m 54,400 Zebulun Eliab iġñiŋa Helon-gum 57,400 Katiłługich iñugiaktilaaŋat: 186,400 Iñuŋich Judah-m sivulliulutik avluġaaġniaqtut atautchikun.

Maŋŋuuruat Aullarrich Qavsiutilaaŋich

^10-16 Kiluliñaaŋani, nalunaiñŋutaqaqtuat Reuben-gum takuyaŋanik nullaġniaqtut iniksrallaamignun, aullarriqallaalutiŋ, ukunatun: Maŋŋuuruat Aullarrich Qavsiutilaaŋich Reuben Elizur iġñiŋa Shedeur-m 46,500 Simeon Shelumiel iġñiŋa Zurishaddai-m 59,300 Gad Eliasaph iġñiŋa Deuel-gum 45,650 Katiłługich iñugiaktilaaŋat: 151,450 Iñuŋich Reuben-gum tugliuniaqtut avluġaaqtuani atautchikun.

Maŋŋuuruat Aullarrich Qavsiutilaaŋich

¹⁷ Tavraasii, akunġagni sivulliigḷu aqulliigḷu Levi-m kiŋuvaaŋich avluġaaġniaqtut atautchikun tigumiaġlugu Tupiq. Ilaaguallaaŋaruat avluġaaġniaqtut atautchikun aquliġaġiigḷutiŋ nullaġvigmigni inillaamiktun, nalunaiñŋutallaamiktigun.

^18-24 Ualiñaaŋani, nalunaiñŋutaqaqtuat Ephraim-gum takuyaŋanik nullaġniaqtut ilaaguaŋallaalutiŋ, aullarriqallaalutiŋ, ukunatun: Maŋŋuuruat Aullarrich Qavsiutilaaŋich Ephraim Elishama iġñiŋa Ammihud-gum 40,500 Manasseh Gamaliel iġñiŋa Pedahzur-m 32,200 Benjamin Abidan iġñiŋa Gideoni-m 35,400 Katiłługich iñugiaktilaaŋat: 108,100 Iñuŋich Ephraim-gum piŋayuuniaqtut avluġaaqtuani atautchikun.

Maŋŋuuruat Aullarrich Qavsiutilaaŋich

^25-31 Salliñaaŋani, nalunaiñŋutaqaqtuat Dan-gum takuyaŋanik iniksrallaamignun, aullarriqallaalutiŋ, ukunatun: Maŋŋuuruat Aullarriŋich Qavsiutilaaŋich Dan Ahiezer iġñiŋa Ammishaddai-m 62,700 Asher Pagiel iġñiŋa Ochran-gum 41,500 Naphtali Ahira iġñiŋa Enan-gum 53,400 Katiłługich iñugiaktilaaŋat: 157,600 Iñuŋich Dan-gum aqulliuniaqtut avluġaaqtuani atautchikun.

Maŋŋuuruat Aullarriŋich Qavsiutilaaŋich

³² Katiłługich iñugiaktilaaŋat Israel-gum kiŋuvaaŋich agliusimaruat aŋuyaktaullaruat, qavsiullaavlutiŋ, 603,550-tun iñugiaktigiŋarut.

³³ Atanġum piraksriutaatun Moses-mun, Levi-m kiŋuvaaŋich agliutiŋaitkaich agliutimmatigik Israel-gum kiŋuvaaŋich.

³⁴ Tavraasii Israel-gum kiŋuvaaŋich savaŋarut supayaamik Atanġum piraksriutaatun Moses-mun. Nullallaavlutiŋ, iñullaa nalunaiñŋutamigni, suli atautchikun pisuaqhutiŋ, iñullaa iḷagiraġmigun.