Genesis 5 - Iñupiatun Mumiksat Uqalugiksuat

Kiŋuvaaŋich Adam-gum

¹ Ukua uvva Adam-gum kiŋuvaaŋisa atiŋich. (God iñuliuqami, savaŋagaik ilimisun irrusiqaqługik.

² Aŋunmiglu aġnamiglu iñuliuŋaruq, quviasaaġusiaksriñŋagaik, aasii taivḷugik “Iñugnik.”)

³ Adam 130-tun ukiunikkami, iġñiqaŋaruq ilimisun irrusiqaqtuamik arriqaqtuamiglu, aasii atchiqł̣ugu Seth-mik.

⁴ Aquvatigun, Adam iñuuvsaaŋaruq 800-tun iñugiaktigiruani ukiuni. Allaniglu miqłiqsivsaaŋaruq.

⁵ Aasii Adam tuquŋaruq 930-tun ukiuqtutilaanikkami.

⁶ Seth ukiunikkami 105-tun, iġñiqaŋaruq Enosh-mik.

⁷ Iñuuvsaaŋaruq 807-tun iñugiaktigiruani ukiuni. Allaniglu miqłiqsivsaaŋaruq

⁸ aasii tuquŋaruq 912-tun ukiuqtutilaanikkami.

⁹ Enosh ukiunikkami sisamakipiaq qulitun (90), iġñiqaŋaruq Kenan-mik.

¹⁰ Iñuuvsaaŋaruq 815-tun iñugiaktigiruani ukiuni. Allaniglu miqłiqsivsaaŋaruq

¹¹ aasii tuquŋaruq 905-tun ukiuqtutilaanikkami.

¹² Kenan ukiunikkami piŋasukipiaq qulitun (70), iġñiqaŋaruq Mahalalel-mik.

¹³ Iñuuvsaaŋaruq 840-tun iñugiaktigiruani ukiuni. Allaniglu miqłiqsivsaaŋaruq

¹⁴ aasii tuquŋaruq 910-tun ukiuqtutilaanikkami.

¹⁵ Mahalalel ukiunikkami piŋasukipiaq tallimatun (65), iġñiqaŋaruq Jared-mik.

¹⁶ Iñuuvsaaŋaruq 830-tun iñugiaktigiruani ukiuni. Allaniglu miqłiqsivsaaŋaruq

¹⁷ aasii tuquŋaruq 895-tun ukiuqtutilaanikkami.

¹⁸ Jared ukiunikkami 162-tun, iġñiqaŋaruq Enoch-mik.

¹⁹ Iñuuvsaaŋaruq 800-tun iñugiaktigiruani ukiuni. Allaniglu miqłiqsivsaaŋaruq

²⁰ aasii tuquŋaruq 962-tun ukiuqtutilaanikkami.

²¹ Enoch piŋasukipiaq tallimatun (65) ukiunikkami, iġñiqaŋaruq Methuselah-mik.

²² Enoch iñuuŋaruq maliġuaqługu God 300-ni ukiuvsaani, allaniglu miqłiqsivsaaŋaruq.

²³ Iñuuŋaruq ukiunigataqłuni 365-tun.

²⁴ Iñuuniqtutilaamiñi maliġuaŋagaa God, aasii qiñiġnaiŋaruq, God-im aullautivlugu.

²⁵ Methuselah ukiunikkami 187-tun, iġñiqaŋaruq Lamech-mik.

²⁶ Iñuuvsaaŋaruq 782-ni iñugiaktigiruani ukiuni. Allaniglu miqłiqsivsaaŋaruq

²⁷ aasii tuquŋaruq 969-tun ukiuqtutilaanikkami.

²⁸ Lamech ukiunikkami 182-tun, iġñiqaŋaruq

²⁹ aasii atchiŋagaa Noah-mik, uqallaŋaruq, “Taavsruma tutqiutiqaqtinniaġaatigut savaaptigniḷḷu siġḷiġniuġniptigniḷḷu Atanġum nuna piaġiiḷipkaġmauŋ.”

³⁰ Lamech iñuuvsaaŋaruq 595-ni iñugiaktigiruani ukiuni. Allaniglu miqłiqsivsaaŋaruq

³¹ aasii tuquŋaruq 777-tun ukiuqtutilaanikkami.

³² Noah 500-tun ukiunikkami, iġñiqaŋaruq piŋasunik, Shem-miglu, Ham-miglu, Japheth-miglu.