2 Samuel 15 - Iñupiatun Mumiksat Uqalugiksuat

Absalom Sivunniuqtuq Paaqłaisukłuni

¹ Taamna pianigman, Absalom itqanaiyaŋaruq aksraktuuramiglu tuttuqpagniglu ilaan atuġniaqtaŋanik, suli malġukipiat qulinik (50) aŋutinik.

² Itiġnaġiaqłuni uvlaami makitaraqtuq apqutim saniġaaniittuami upkuaqpaum. Iñuk qaituaġman atiŋirrutauruamik umialgum natqiaksraŋanik, Absalom-gum iliŋanuquraġigaa aasii apiqsruqługu sumiġmiugummagaan. Aasii uqallautianigmani nalliŋiññiñ maŋŋuqaqtilaamiñik,

³ Absalom-gum uqallautiraġigaa, “Uvvahii, pitquraq nalautkiñ, aglaan umialgum uqaqtaanik piitchuq naalaktiksramik isumaaluutignik.”

⁴ Uqallavsaaġaqtuq, “Isivġiqsiirauluŋaluqaa uvaŋa! Taimmasii kiñaliqaa atiŋirrutiqaqtuaq naagga isumaaluutiqaqtuaq uvamnullaluni, aasii pitqiksiġautaitchuamik sivunniuġutigayaġitka.”

⁵ Iñuum ullagmauŋ Absalom purvigivsaqługu, Absalom-gum isaaqhuni tiguraġigaa argaŋa, aasii kunikł̣ugu.

⁶ Absalom-gum tainnaġaġigaich Israel-miugupayaaqtuat ullautiruat umialigmun isivġiqsauniaqtuat, tavraasii ukpiġiliŋagaat.

⁷ Sisamat ukiut pianigmata Absalom-gum uqallautiŋagaa Umialik David, “Aŋutii, Hebron-muglaŋa taŋŋitchaġlugu unniqsuqłiisiga Ataniġmun.

⁸ Iñuullaġma Geshur-mi Syria-mi ittuaq, unniqsuqłiiraġa Ataniq Jerusalem-mun utqutikpaŋa, ikipkautikun aitchuiviginiaġniraġa Hebron-mi.”

⁹ “Aullaġiñ tutqigutin,” umialik uqallaktuq. Tavraasii Absalom Hebron-muŋaruq.

¹⁰ Aglaan kiliktuiriñik aullaqtitchiŋaruq maŋŋuqaqtuanun Israel-mik innaquvlugich, “Tusaaguvsigik nipiŋich nipauqłuktautit, saqłaksaqtusi, ‘Absalom umialiguqtuq Hebron-mi!’”

¹¹ Qulikipiatun (200) iñugiaktigiruat aŋutit aiyugaaqtaŋich Absalom-gum aullaŋarut Jerusalem-miñ piqatigivlugu; naluŋagaat sivunniuġutaa suli ukpiġivlugu aullaŋarut.

¹² Ikipkaiḷḷaġmi aitchuutinik, qanniŋagaa Ahithophel Gilo-miñ, Umialigum David-gum natqiksruqtiŋisa iḷaŋat. Sivunniuġutaat paaqłaksaqługu umialik suammaŋaruq, suli Absalom-gum maliktiŋi iñugiaksivsaaŋarut.

David Qimaŋaruq Jerusalem-miñ

¹³ Kiliktuiri David-mun uqallaŋaruq, “Israel-miuguruat nalupqinaiġaat ukpiqqutiktik Absalom-mun.”

¹⁴ Tavraasii David-gum uqallautiŋagaich iluqaisa atanaurat itqatigirani Jerusalem-mi, “Aullaqtuksraurugut akkupak Absalom-mun pitquŋitkupta! Qilamik! Qaiñiaqtuq imma aasii akiiḷiḷuta suli tuqullugich iñupayaat uvani inimi!”

¹⁵ “Ii, Umialikpaak,” kiugaat. “Itqanaitchugut sutqupayaaġuptigut.”

¹⁶ Tavraasii umialik aullaŋaruq, piqatiqaqhuni iluqaiññik iḷamiñik suli atanauramiñik, kisuŋŋuqługich qulit nuliami tugliiŋich, qaunagitquvlugu igluqpani.

¹⁷ Aullaqsaġamiŋ umialiglu iñuniḷu tavraŋŋa inimiñ, nutqaŋarut aqulliġmun iglumun.

¹⁸ Iluqatik atanauraŋich makitaŋarut saniġaani saaŋagun qaaŋiqsaaqtillugich umialgum qaunaksriŋich. 600-tun iñugiaktigiruat aŋuyaktit qaaŋiqsaaġmiut,

¹⁹ aasii umialik uqallaŋaruq Ittai-mun, aullarrigiraŋannun, “Summan maliaqsivisigut? Utiġutin umialitchiaq itqatigiyyaġiaġuŋ. Allamiñ nunaniŋŋaqtaurutin, qimaŋaruaq nanmiñiq nunagniñ.

²⁰ Maaniipiaŋaitchutin, summan kukiḷuktinniaqpigiñ maligluŋa? Sumugniaqtilaamnik unniuvva naluruŋa. Utiġiñ piqatigilugich iluqaisa iñuktin—aasii Atanġum nakuutilisiñ iḷumutuuġutilisillu.”

²¹ Aglaan Ittai-m kiugaa, “Umialikpaak, uqallaktuŋa Atanġum atqagun sumupayaaġuvich maligniaġikpiñ, sivuniqaġaluaqpan tuqqunmun.”

²² “Aarigaa!” David-gum kiugaa. “Sivunmuusitchi!” Tavraasii Ittai aullaqitqiŋaruq aŋutiniḷu miqłiqtullu.

²³ Iñuich qiaŋarut nipatuvlutik David-gum maliġuaqtiŋich aullaġmata. Umialgum ikaaŋagaa Kidron Brook, maliktiqaqhuni iñumiñik, aasii atautchikun aullaŋarut nunagluktuam tuŋaanun.

²⁴ Zadok, aŋaiyyuliqsiqpak tavraniinŋaruq, piqatigivlugich Levite-guruat, tigumiaqługu Sivunniuġutim Kiguunniŋa. Tamauŋa iḷiŋagaat aasii kivitqiŋaitkaat iluqaġmiŋ iñuich kisian aullaanigmata. Aŋaiyyuliqsiqpak Abiathar tavraniinŋammiuq.

²⁵ Aasii umialik uqallaŋaruq Zadok-mun, “Sivunniuġutim Kiguunniŋa utiuttuuŋ inimun. Atanġum iviġaumagikpaŋa, uvlut iḷaŋanni utiqtinniaġaaŋa tautugiaġlugu taamna inigiraŋa.

²⁶ Aglaan iviġaumagiŋitkumiŋa—tavra, savaaġiyumiñaġaaŋa isumamisun.”

²⁷ Uqallavsaaŋaruq Zadok-mun, “Uvvahii, kaluġlugik iġñiġiḷḷu Ahimaaz Abiathar-vlu iġñiŋa Jonathan utiġiñ inimun tutqiksiŋalutin.

²⁸ Tainna pipkaqtillutin uvaŋali utaqqiñiaqtuŋa ikaaġviŋiññi kuugich nunagluktuami tusaalġataqtilluŋa iliŋniñ.”

²⁹ Zadok-guvlu Abiathar-vlu utiutiŋagaak Sivunniuġutim Kiguunniŋa Jerusalem-mun aasii tavrani inŋaruk.

³⁰ David mayuŋaruq Mount Olives-mun; kamiḷḷaaq suli qirrukhuni, matuvlugu niaquni ipiqtusuunni iḷisimanaquvlugu. Malipayauraqtuat qiaŋarut, suli matuvlugich niaqutik.

³¹ David uqallautimmanni Ahithophel iḷḷatinivḷugu Absalom-gum akił̣ł̣iqsruutaanun, aŋaiyyuŋaruq, “Tusaaŋŋa, Ataniiq, simmiġuŋ Ahithophel-gum natqiksruutaa suuŋiḷaġuġlugu!”

³² David tikiñman qaaŋanun qimiġam, aŋaiyyuyyaġviqaqtuamun, avilaitqatilluataŋata Hushai-m Archite-guruam kasuŋagaa annuġaaŋi aligaŋarat suli aqiyaulaaq niaquŋa.

³³ David-gum uqallautigaa, “Ikayuutauniaŋitchutin malikkumŋa,

³⁴ aglaan ikayuġniaġiŋma utiġuvich iniqpagmun aasii uqallautilugu Absalom savautiniaġniḷugu kivgaġilutin piusivsun aapaŋanun. Pisuqtillaaqtun akiḷḷiqsruqsaġitin Ahithophel-gum siḷġiqsuutiŋich.

³⁵ Aŋaiyyuliqsiqpaak Zadok-lu Abiathar-lu tavraniinniaqtuk; kiliktuqsaġikkiñ tusaapayaaqtaġnik umialgum igluqpaŋani.

³⁶ Piqatigigaik iġñitik Ahimaaz-lu Jonathan-lu, aasii uvamnuktitchaġikkiñ katiqsriaŋniglu iḷisimaraksranik.”

³⁷ Tavraasii Hushai, David-gum avilaitqataa tikiñŋaruq Jerusalem-mun, Absalom isiġmiuġlu iniqpagmun.