WONARIDNAK WENE 12 - Nanduk Ngget Tul Pidnak Wene

Miriam ebem angin worak pidnak wene 12:1-8

¹ Musa-nen o Kus kwe wanid iri na wene bem-e Miriam min Arun min-nen-e Musa obok pogolat-nen

² yogolar-e: ”Nagawan Indo-nen wene yosolar-e, Musa nak emndam tak poso-a? Nit nenemndamtag-e poso bug-a?” luk yiga-o.

³ Nggweyak ma yu me woragwi nab-e indi-ge kek tag-et nde, Musa arig-et nak indi-ge teberak irit woragij-o.

⁴ Nde, mimo Nagawan Indo-nen Musa min Arun min Miriam min yak ondosolar-e: ”Kir-e kenan sa-t an nuwi lijema mberer-o” yak ondosoloma, ir-e Nagawan Indo uwi lijema mbiriga-o.

⁵ Iri yogola, Nagawan Indo-ge nggan nggan arem mbuwagarik, uwi tumende bem men yosolar-e, Arun min Miriam min wene mbo onposola-ge, it mberen na ge at eram mborogola,

⁶ Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

⁷ Alat nde, ndegel noboso nap Musa iri imin-e iri nggal kwarusu bug-o. At iri-ge an nelem nap yu ennggendumu-nen-e mondok ludtak mot mot kwaroso nap-nen yusu-o.

⁸ Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.