WONARIDNAK WENE 10 - Nanduk Ngget Tul Pidnak WeneIsarael nap mbiridnak wene 10:33-36 33 Nde, Isarael nap na Nagawan Indo woraso sa Sinai ndopo na keya buruk mbirigarig-e, mberen nene yiga-o. Mborogolar-e, Nagawan Indo-nen urul pidnak wene labu mbarak iri na-ge it o lije wiril lobok yurak sa mirik unpurak pem waruk nanduk anggul tak pogolat woraiga-o. 34 It nde o wiril lobok yidnak sa-nen mborogola-ge, lengge-ge Nagawan Indo-nen idnak nggan nggan-e pempa it enanggul pem woragij-o. 35 Nde, pempa mburuwokluk yogolat, urul pidnak wene labu mbarak iri na kud togola, Musa-nen yogolar-e: ”Nagawan Indo wa-e. Men min-o. Kat kuwim nab-e ndibi ndirak onposola, kat insili nab-e enariktak nggilarak mbu mburuwag-o” luk yil yal mbirij-o. 36 Nde, urul pidnak labu mbarak iri na nde waruk mbutluk, it wolmomtak sa wok yogola-ge, Musa-nen yosolar-e: ”Nagawan Indo wa-e. Kar-e tuguruk kelem nap kwarat yu enndam lobok yi-o” yil mborosolat woragij-o. |
@LAI 1992, 1994
Indonesian Bible Society