NDAWI ENGGA 93 - Nanduk Ngget Tul Pidnak Wene

Nagawan Indo iri-ge pem-et woraso nagawan-nen yusu-o

¹ Nagawan Indo iri-ge nagawan-nen yusu-o. Ar-e kek tak, amawi worak worasolat-nen yoroso sum yutluk worasu-o. O yu-ge tugup lak, sil kudtak pug-et worasu-o.

² Nagawan Indo wa-e. Kat-nen nagawan woraso kondoro-ge nanduk-net tugup lak woraso-o. Kar-e o ndak wirigit lak ma nanduk-net pem woraso-nen yusu-o.

³ Nagawan Indo wa-e. Yi koma yiriwak ena uj-e ene lek kasu-o. Yi koma ene nguruk tobok yoso ene na lek kasu-o.

⁴ Alat nde, Nagawan Indo amawi worak aid arem worasu iri-ge yi koma ene lek kasolat nggurabu mbosolat, yi nggweyerep nggwayerep mbusu iri nggal-e lag-o. Nagawan Indo-ge mondok amawi worak terak minik-net yusu-o.

⁵ Nagawan Indo wa-e. Kat-nen idnak imiri mbarak pidnak wene-ge tugup lak pem woraso-nen yusu-o. Kat kuwi iri-ge pem irit marak nak woraso-nen yusu-o.