NDAWI ENGGA 87 - Nanduk Ngget Tul Pidnak Wene

Yerusalem kek tak pogolat ngaridnak ndawi Enlem Kora nap-nen yugwi ndawi.

¹ Nagawan Indo-nen uwi siri-ge ondobo marak iri na bem pij-o.

² Isarael iri me o siri oboksa enggendumu-nen-e mondok indi kundugu-ge Yerusalem iri nag-o.

³ Mbal Pem Nagawan uwi siri wa-e. Kwara kuli-o. Kat kobog-e wi yurak irit yu nggal yusu-o:

⁴ ”An-nen yidnak yidnak kwarugwi nap unnu mbarugwi engga iri na arem-e Mesira min Mbabilonia min unnu min-et mbarimin-o. Mondok Pilisia min Tirus min Sundan min-e Yerusalem woragwi nap tak inpimin-o” yij-o.

⁵ Ap-nen Sion imin yogolar-e: ”Ap enlem oboksa-nen Sion woragwi nap kwat yurak Sion nak nggwili-o. Nde, Mondok Amawi Worak iri na-nen-e Sion iri-ge tugup lak tak ubusu-o” luk yuwa-o.

⁶ Nagawan Indo-nen-e ap enlem oboksa unnu-ge Yerusalem woragwi nap unnu mbarak enggendumu pil ngguwa-o.

⁷ Iri yuwama, it-nen kot kagolat-nen ndawi yogolar-e: ”Sion iri-ge nit nunuwi elem ma-nen yusu-o!” luk yuwa-o.