NDAWI ENGGA 23 - Nanduk Ngget Tul Pidnak Wene

Nagawan Indo-ge olomba nit yik neneyarok woraso-nen yusu-o Ndaut-nen yidnak ndawi.

¹ Nagawan Indo-ge olomba wam an yik neyarok woraso-nen yusu-o. An-e yi mende ndi mende ukwe lak worasu-o.

² At-nen tusuangge miri bem mbinggirik nobosolat, yi nabu nabu mboroso sa wok nuburuk mboroso-o.

³ At-nen-e an namawi rak posolat, at-nen urul pid iri na ndak ndag-et ndemeret tula nggwe ninggi waruk mboroso-o.

⁴ Nde, an-e kan ndamak pem ndamuk arem waring kasu-t nde, kar-e an nimin worasola me, kwiye kasu bug-o. Kat kanggambu bem kuwangen pem-nen-e an nimiri yusu-o.

⁵ An nuwim nap inmbiri bem-et kat-nen-e an namanggim nggok saguruk, ap sal kek tak kwat unpugwi nggal-et kwat nubusu-o. Kat-nen-e yi undu konak kenangga neram kwarat ligik pusu-o.

⁶ Kat-nen an konak kwat nobosolat, pempa nabuwa kasu iri-ge an-e naru-o. Nde, an woralar-e, kat kama-t woramin-o.