NDAWI ENGGA 150 - Nanduk Ngget Tul Pidnak Wene

Nagawan Indo nak erembel wanurag-o!

¹ Nagawan Indo nak erembel wanurag-o! Mbal Pem Nagawan uwi marak iri na me-nen at nak erembel wanurag-o. At amawi-ge mbal pem teram-nen at nak erembel wanurag-o!

² At-nen kwiye worak kwaridnak mende bem at nak erembel wanurag-o. At-nen kek tak woraso mondok nggok iri bem at nak erembel wanurag-o.

³ Terompet poba ene pu yogolat, at nak erembel waner-o. Nggambus poba min kecapi poba min ininggi bem ene rak pogolat, at nak erembel waner-o.

⁴ Erebana poba ene lu rak pogolat, kot kagolat-nen na at nak erembel waner-o. Kecapi poba ininggi bem ene rak pogolat, seruling poba ene pu yogolat-nen na at nak erembel waner-o.

⁵ Simbol poba marik lambuk tak pogolat, ene lo rak pogolat-net at nak erembel waner-o. Simbol poba nggok lambuk tak pogolat, ene nggok mende lo rak pogolat-net at nak erembel waner-o.

⁶ Ndak worak pidnak mende urugup worak oboksa-nen Nagawan Indo nak erembel wanurag-o. Nagawan Indo nak erembel wanurag-o!