NDAWI ENGGA 14 - Nanduk Ngget Tul Pidnak Wene

Nggweyak ma nap-nen meya kwarugwi wene Ndawi imid lit kaso nap amanggim, Ndaut-nen ndawi ngaridnak wene.

¹ Ap wid yebet kaso buk-nen inndi arem peragolar-e: ”Mbal Pem Nagawan-e lag-o” perali-o. It-nen kwarugwi-ge emben to rak yik kudtak puk ereba na nak kwarugwi-nen yili-o. Konak kwarugwi-ge misiger-o luk tet mondok lag-o.

² Nagawan Indo-nen ap indi nggat nggat worak at erembel wanugwi nap mbenat onposolar-e, aid arem-nen nggweyakma nab-e mbel eneyasu-t nde,

³ it oboksa mot mot kwarurak iri na keya buruk, lugud tak nggwe nak mbitli-o. Ap misiger-o luk mbi-nen konak mbi kwatli bug-o.

⁴ Iri yogola, Nagawan Indo-nen yosolar-e: ”Meya kwarugwi nap ereba na-ge an neram tepan yigit lak, an nilirak enarengge mengga wanili iri na bem nak-nen unluk worali nap ereba na-ge kondok yigit lag-et worali-a?” luk yij-o.

⁵ Mbal Pem Nagawan-e at-nen yidnak yidnak kwarugwi nab-e inmin worasola, meya yugwi nab-e kwiye kwarat yuwa-o.

⁶ Meya yugwi nap-nen-e insilobulo lak nap enabuwok tu ngguluwa-t nde, Nagawan Indo-ge it nggetlel onposo nap kwat yusu-o.

⁷ Isarael nap inmiri yurag-e Sion-nen lobok yuwag-o! Nagawan Indo-nen at ilirak wisirik onposola-ge, Yakup-nen wigarag-e enalin enalen yuwa-o.