NDAWI ENGGA 136 - Nanduk Ngget Tul Pidnak Wene

Wiwa-o yogolat yugwi ndawi

¹ Nagawan Indo iri-ge konak me, at nak wiwa-o yak turag-o. At-nen-e pem kundugu irit enabuwa yoso-nen yusu-o.

² Mbal Pem Nagawan mondok misik arig-et iri nak wiwa-o yak turag-o. At-nen-e pem kundugu irit enabuwa yoso-nen yusu-o.

³ Mondok Kek tak iri nak wiwa-o yak turag-o. At-nen-e pem kundugu irit enabuwa yoso-nen yusu-o.

⁴ At nak-net kwiye worak kwarat kwaroso-o. At-nen-e pem kundugu irit enabuwa yoso-nen yusu-o.

⁵ At indi nggat nggat pem-net mbal ndak woramu-o. At-nen-e pem kundugu irit enabuwa yoso-nen yusu-o.

⁶ O nggweyak yu-ge at-nen yi koma ombol pem yemarak pamu-o. At-nen-e pem kundugu irit enabuwa yoso-nen yusu-o.

⁷ Yaya rak poso mende mbal pem ndak wosa pamu-o. At-nen-e pem kundugu irit enabuwa yoso-nen yusu-o.

⁸ Molengen iri-ge lengge rak purak irit ndak wosa pamu-o. At-nen-e pem kundugu irit enabuwa yoso-nen yusu-o.

⁹ Waneya min wonaru min-e kubu yaya rak purak irit ndak wosa pamu-o. At-nen-e pem kundugu irit enabuwa yoso-nen yusu-o.

¹⁰ Mesira nap enmbararak manggiya oboksa endamu-o. At-nen-e pem kundugu irit enabuwa yoso-nen yusu-o.

¹¹ Isarael nab-e Mesira-nen wesera wok unpuruk lobok yamu-o. At-nen-e pem kundugu irit enabuwa yoso-nen yusu-o.

¹² Iri yosolar-e, at inggi amawi bem erabit umbunu bem irit wok unpuruk lobok yamu-o. At-nen-e pem kundugu irit enabuwa yoso-nen yusu-o.

¹³ Yi Nggelaga koma-ge enggendumu mbara piri rak pamu-o. At-nen-e pem kundugu irit enabuwa yoso-nen yusu-o.

¹⁴ At ilirak Isarael nab-e wok unpuruk eyak ele bem ndil lagamu-o. At-nen-e pem kundugu irit enabuwa yoso-nen yusu-o.

¹⁵ Alat nde, Mesira nagawan min at-nen idnak esan ombo ereba na inmin-e yi ma yubuk tak enpamu-o. At-nen-e pem kundugu irit enabuwa yoso-nen yusu-o.

¹⁶ At ilirag-e nembaga nggwe-t lit unpuruk lobok yamu-o. At-nen-e pem kundugu irit enabuwa yoso-nen yusu-o.

¹⁷ Nagawan nagawan enmawi worak ereba na-ge urugwe nggwe rak irit enpamu-o. At-nen-e pem kundugu irit enabuwa yoso-nen yusu-o.

¹⁸ At-nen-e nagawan nagawan enanggu obok worak ereba na-ge endamu-o. At-nen-e pem kundugu irit enabuwa yoso-nen yusu-o.

¹⁹ Amori nagawan Sigon woramu-o. At-nen-e pem kundugu irit enabuwa yoso-nen yusu-o.

²⁰ Mbasan nagawan Ong woramu-o. At-nen-e pem kundugu irit enabuwa yoso-nen yusu-o.

²¹ It unuwi nggweyag-e kegera at ilirak wok ondosola-ge, At-nen-e pem kundugu irit enabuwa yoso-nen yusu-o.

²² at ndegel ubugwi nap Isarael nap enarengge tak pamu-o. At-nen-e pem kundugu irit enabuwa yoso-nen yusu-o.

²³ Nit urugwe nggwe rak nonpogola-ge, at-nen-e meme rak nunpuruk keya ninpigit lag-o. At-nen-e pem kundugu irit enabuwa yoso-nen yusu-o.

²⁴ Wim nap ininggiyapmu-nen wisirik nonposo-nen yusu-o. At-nen-e pem kundugu irit enabuwa yoso-nen yusu-o.

²⁵ Urugup worak mende oboksa nunggwi mende at-nen mak toso-nen yusu-o. At-nen-e pem kundugu irit enabuwa yoso-nen yusu-o.

²⁶ Mbal Pem Nagawan mbal tena woraso kek tak iri nak erembel wanogolat wiwa-o yak turag-o. At-nen-e pem kundugu irit enabuwa yoso-nen yusu-o.