NDAWI ENGGA 134 - Nanduk Ngget Tul Pidnak Wene

Mbal Pem Nagawan erembel wanurak pem enmengen mbarugwi ndawi Lagolat-nen yugwi ndawi.

¹ Nagawan Indo ndegel ubugwi nap oboksa min kubu nggwe Nagawan Indo ama-nen yabu wanugwi nap min oboksa wa-e. Lobok yugupndik, Nagawan Indo erembel waner-o.

² O marak iri na ambigit kininggi ndimirik pogolat-nen Nagawan Indo nak erembel wanurag-o!

³ Mbal min nggweyak min ndak wiridnak nap Nagawan Indo-nen Sion iri me-nen imbiringgat tak kunpuwag-o!