NDAWI ENGGA 133 - Nanduk Ngget Tul Pidnak Wene

Onowe onowot enabuwa kagwi ndawi Lagolat-nen yugwi Ndaut-nen ngaridnak ndawi.

¹ Mbal Pem Nagawan ilirak kundik misiget woragolar-e, mondok enalen-e kwiye worak lombok-nen yusu-o.

² Iri-ge amburu mondok onggo nggok pugwi Arun anggul pem kilikma, amburu-ge ondoksu nutluk, sum ilusuwak pem yirik kuri mbid iri na nggal-nen yusu-o.

³ Are, kundik woragwi iri-ge ndobo Eremon lilangen Sion ndobo ereba na me mboso ereba na nggal-nen yusu-o. Unlug-et pem-et woralik nalik wolmaklug-e, Nagawan Indo-nen-e imbiringgar-e iri me mberak pusu-o.