NDAWI ENGGA 127 - Nanduk Ngget Tul Pidnak Wene

Mbal Pem Nagawan-nen konak nak kwat onposo bem erembel wanugwi ndawi Salomo-nen ngaridnak ndawi.

¹ O nde Nagawan Indo-nen nde wirigit lak yoso ala-ge, o wurugwi nap-nen o witli ereba-ge wewesa enmawi nak lak tak pili-o. Nagawan Indo-nen nde nggetlel ninpigit lak ala-ge, tu yik karok pak tak woragwi nap-nen tu pak tak worali ereba-ge ebe lak mende nde kwat yusu-o.

² Kunlum amanggim kore yogolar-e, kubu kabu-t menluk, yabu wok tenak irit woraruk, nggiringgendumu nene yil lobok yili iri-ge wewesa irit kwatli-o. Nagawan Indo-nen-e at-nen enabuwa yoso nap enmanggim-e it nene yogola-ge, it-nen ukwe yugwi-ge lid lud tak pusu-o.

³ Li marik iri-ge Mbal Pem Nagawan-nen wok ondoso mende-nen yusu-o. Ndemeret it iri-ge we wok nondoso mende-nen yusu-o.

⁴ Liap mondok unsujwe bem-nen ndagidnak iri-ge wim wari enmare lugwirik nggal-nen yusu-o.

⁵ Ap enmare iri nggal worak nab-e alen kasolat wolma-o! At uwim nap inmin enpem wene mbarugwi sa nggosolar-e, ar-e mondok urugwe nggwe rag-e ubuwa bug-o.