NDAWI ENGGA 122 - Nanduk Ngget Tul Pidnak Wene

Yerusalem erembel wanidnak wene Lagolat-nen yugwi Ndaut-nen ngaridnak ndawi.

¹ Ap-nen an yak norogolar-e: ”Nagawan Indo ama mburuwog-o” yogola-ge, an-e nalen kagi-o.

² Yawo-ge nir-e abu mbirigerik, Yerusalem kerep pak leget tumende bem wok yigerik worali-o.

³ O Yerusalem siri kona obo nesa ndak ndak sa wiridnak mondok konak-nen yusu-o.

⁴ Isarael nap enlem pid pud lobok yogolar-e, Nagawan Indo-nen len inpidnak nap ereba na enlem pid pud lobok yogolar-e, at-nen ”Irit kwarurag-o” yidnak iri na ndak ndag-et Yerusalem yu me-nen Nagawan Indo wiwa-o yak tuwokluk lobok yili-o.

⁵ Yerusalem yu me-net Nagawan Ndaut-nen wigarak-nen-e it unuwokma woragwi nab-e enpem wene mbenariga-o.

⁶ Yerusalem iri me yamuksa wolmomtak amanggim tepan yogolar-e: ”Kat kabuwa kwarat kali nab-e mondok yamuksa enalen min-et wolmag-o.

⁷ Kat kebem woraso uwi-ge wene laksa konak yamuk tak irit wolmag-o. Kat kuwi keber-e imiri mbarak tugup lak irit wolmag-o” luk yurag-o.

⁸ An neyabi minggirik nowe nowot min nenggamirak min enmanggim ala karuk, an-nen Yerusalem yak tosolar-e: ”Kar-e kona yamuksa irit wolmin-o!” yak tusu-o.

⁹ Nagawan Indo Nenmbal Pem Nagawan uwi iri na amanggim ala karuk, kar-e konak kalen min-et woranokluk an-e tepan yusu-o.