NDAWI ENGGA 113 - Nanduk Ngget Tul Pidnak Wene

Nagawan Indo-nen konak kwat onposo bem at erembel wanugwi ndawi Nagawan Indo nak erembel wanurag-o!

¹ Nagawan Indo ndegel ubugwi nap wa-e. Nagawan Indo unu nak kek tak per-o!

² Yawo-nen na irit, pem woragolat na irit, at unu nak wigarogolat wolmomtag-o.

³ Mo luwaso (timur) kuri-nen mo mboso (barat) kuri-nen Nagawan Indo unu nak kek tak pogolat wolmag-o.

⁴ Nagawan Indo amawi bem ap enlem oboksa tena unpuruk worasu-o. At anggu obog-e mbal ombol nggwe-t lasu-o.

⁵ Nagawan Indo nit Nenmbal Pem Nagawan iri nggal-e ta nggal worasu-o? At ondoro-ge teram eid me koreyak woraso-t nde,

⁶ at-nen mbal min nggweyak min yik kasolar-e, tema luk mbel kaso-o.

⁷ Insilobulo lak nab-e o liri arem-nen mendak onposolat, enlengenma lak nab-e mabe arem-nen mendak onposolar-e,

⁸ at ilirak ennggendumu ap enlem kek tak unnu worak ereba na inmin ndak ndak tak onposo-o.

⁹ At-nen-e onkwerak yibiri-t nde, inlirak wok ondosolat, li ija enalen worak kek tak enma woragwi rak onposolat irit kwaroso-o. Nagawan Indo nak erembel wanurag-o!