NDAWI ENGGA 110 - Nanduk Ngget Tul Pidnak Wene

Nagawan Indo min at-nen lenak pidnak nagawan min onowene Ndaut-nen ngaridnak ndawi.

¹ Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

² Nagawan Indo-nen-e Sion-nen kat-nen tenakun wi-ge nemena mbo nggok tak posolat-nen yosolar-e: ”Kat-nen-e kuwim nab-e kinggiyapma rak unpuruk woragun-o” yij-o.

³ Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

⁴ Nagawan Indo-nen mondok owak mbarosolat urul pid iri-ge mondok nin tak puwa bug-o. At-nen urul posolar-e: ”Kar-e Melkisendek nggal pem irit tepan ombo woralik nalik irit woragun-o” luk yij-o.

⁵ Nagawan Indo-ge kat kinggi kigit ambigit nggwe worasu-o. At-nen nde isilepma yosola-ge, nagawan nagawan-e urugwe nggwe rak unpuwa-o.

⁶ At-nen-e ap enlem oboksa enpem wene mbenarosolar-e, lak tak unpuwama, it ontogwag-e lirin lirin mburuwa-o. Nggweyak ma yu me worali nagawan nagawan oboksa lak tak unpuwa-o.

⁷ Nagawan-nen-e yi-ge tulabiyem-nen nujwa-o. Nuruk, amawi yosolug-e, ar-et ombol nggwe yuwa-o.