NDAWI ENGGA 101 - Nanduk Ngget Tul Pidnak Wene

Nagawan misik-nen urul pidnak wene Ndaut-nen ngaridnak ndawi.

¹ Kat-nen tugup lak mot mot kwaroso wene-ge ndawi bem yimin-o. Nagawan Indo wa-e. Kat kamanggim-et kek tak kobosolat ndawi yimin-o.

² An-e nebage meya kwaroso buk irit woramin-o. Kar-e mepme-nen an neram lobok yugun-o? An-e meya kwarigit lak nama irit woramin-o.

³ Nde, meya elem iri-ge an-e mondok lak tak pimin-o. Indi angin tubu yidnak mbo bidnak nap-nen kwarugwi iri-ge an-e nisili-nen yusu-o. An-e it inmin kundimin pug-o.

⁴ An-e lugud tak kwaroso nap kwat yurak iri-ge nisili-o. Meya kwarugwi iri-ge an-e imin kundimin pug-o.

⁵ Ap mbik mbok anggam obok pusu nab-e an-nen lak tak inpimin-o. Ap inndi-nen ija bija yugwi indi kek tak iri-ge mondok keya inpimin pug-o.

⁶ Mbal Pem Nagawan-nen yidnak yidnak tugup lak kwatli nab-e nindingen eneyasu-o. It iri-ge an nama wolmomtag-e ndak-net yusu-o. Ap enpem kopkap lak woragwi nap-nen-e an ndegel nuburag-e ndag-o.

⁷ Ennesiget yugwi nab-e an nama-ge wolmomtak pug-o. Ap enmberam laso an nerengen pem wolma bug-o.

⁸ Kup nggal keyama nggal mondok meya yugwi nap o yu me worali nab-e pendega lak tak onposolat woramin-o. Meya kwarugwi nap oboksa-ge Nagawan Indo uwi siri yu me-nen lak tak inpimin-o.