TAWARIKH 1 8 - Alkitab Singog In Mongondow Masa In Tanaa

Buí i Benyamin

¹ Ki Benyamin in kogadí kon ḷoḷaki ḻima. Podudui in pipidan in umur, naa in mosia: ki Bela, ki Ashbel, ki Ahrah,

² ki Noha bo ki Rapa.

³ Buí i Bela in ki Adar, ki Gera, ki Abihud,

⁴ ki Abisua, ki Naaman, ki Ahoah,

⁵ ki Gera, ki Sepupan bo ki Huram.

^6-7 Buí i Ehud in ki Naaman, ki Ahia bo ki Gera. Mosia in tongguḷu mita in motoḷuadí inta dungkuḷmai in nogutun kon Geba. Táe mosia in pinoguntun nongkon tua, bo kon bonu in tongganut i Gera nomamping in mosia kon Manahat bo nogutun kon tua. Ki Gera in kogadí kon doyowa: ki Uza bo ki Ahihud.

^8-9 Ki Saharaim in nogaatdon kon i buḷoinea taya dua inta ki Husim bo ki Baara. Bo naonda in nogutun kon Moab, nobuḷoi in sia kon i Hodes bo nokouḻí kon adí ḷoḷaki pitu: ki Yobab, ki Zibya, ki Mesa, ki Malkam,

¹⁰ ki Yeus, ki Sokhya bo ki Mirma. Mosia komintan tongguḷu in motoḷuadí.

¹¹ Takin i buḷoinea inta ki Husim sia in nokotonggadí kon adí ḷoḷaki doyowa: ki Abitub bo ki Elpaal.

¹² Adí ḷoḷaki i Elpaal in toḷu: ki Eber, ki Misam ki Semed. Ki Semed naa inta noposindog in kotá in Ono bo Lod takin ḻipú mita kon ḻibuneamai.

Intau mita in Benyamin kon Gad bo kon Ayalon

¹³ Ki Beria bo ki Sema in tongguḷu in motoḷuadí inta nogutun kon kotá in Ayalon bo nopoguntun in intau inta nogutun kon kotá in Gat.

^14-16 Buí i Beria in ki Ahyo, ki Sasak, ki Yeremot, ki Zebaja, ki Arad, ki Eder, ki Mikhael, ki Yispa bo ki Yoha.

Intau mita in Benyamin kon Yerusalem

¹⁷ Buí i Elpaal in ki Zebaja, ki Mesulam, ki Hizki, ki Heber,

¹⁸ ki Yismerai, ki Yizlia bo ki Yobab.

¹⁹ Buí i Simei in ki Yakim, ki Zikhri, ki Zabdi,

²⁰ ki Elyoënai, ki Ziletai, ki Eliel,

²¹ ki Adaya, ki Beraya bo ki Simrat.

²² Buí i Sasak in ki Yispan, ki Eber, ki Eliel.

²³ Ki Abdon, ki Zikhri, ki Hanan,

²⁴ ki Hananya, ki Elam, ki Antotia,

²⁵ ki Yipdeya bo ki Pnuel.

²⁶ Buí i Yeroham in ki Samserai, ki Seharya, ki Atalya,

²⁷ ki Yaaresya, ki Elia bo ki Zikhri.

²⁸ Tuata in tongguḷu mita in motoḷuadí bo itoi mita inta pinais kon bonu in pipidan pinomuían monia. Mosia in nogutun kon Yerusalem.

Intau mita in Benyamin kon Gibeon bo kon Yerusalem

²⁹ Ki Yeiel in noposindog in kotá in Gibeon, bo nogutun kon tua. Ki buḷoinea in ki Maakha in tangoinea,

³⁰ bo mosia in kogadí kon ḷoḷaki mopuḷú: ki Abdon in guya-guyang, noiduduimai in ki Zur, ki Kish, ki Baal, ki Ner, ki Nadab,

³¹ ki Gedor, ki Ahyo, ki Zakharia,

³² bo ki Miklot, ki amá i Simea. Buí monia in nogutun kon Yerusalem noyotakin in motoḷuadí mita monia ibanea inta toinanakan monia.

Motoḷuadí i Datu Saul

³³ Ki amá i Datu Saul in ki Kish in tangoinea bo ki akinea in ki Ner. Ki Saul in kogadí kon ḷoḷaki opat: ki Yonatan, ki Malkisua, ki Abinadab bo ki Esybaal.

³⁴ Ki Yonatan in kogadí kon ḷoḷaki tangoinea in ki Meribaal, ki amá i Mikha.

³⁵ Ki Mikha in kogadí kon ḷoḷaki opat: ki Piton, ki Melekh, ki Tahrea bo ki Ahas.

³⁶ Ki adí i Ahas inta ki Yoada tangoinea in kogadí kon ḷoḷaki toḷu: ki Alemet, ki Azmawet bo ki Zimri. Pipidan in buí i Zimri in ki Moza.

³⁷ Ki Bina, ki Rapa, ki Elasa, ki Azel.

³⁸ Ki Azel in kogadí kon ḷoḷaki onom: ki Azrikam, ki Bokhru, ki Ismael, ki Searya, ki Obaja bo ki Hanan.

³⁹ Ki Esek, ki utat ḷoḷaki i Azel in kogadí kon ḷoḷaki toḷu: ki Ulam in guya-guyang, noiduduimai in ki Yeus bo ki Elipelet.

⁴⁰ Ki adí mita i Ulam in komintan tontara inta mongotorindog bo mongopandoi momiot. Adí bo ompunea inta ḷoḷaki kobayongnea in 150. Mosia komintan in noituot kon bonu in suku i Benyamin.