TAWARIKH 1 6 - Alkitab Singog In Mongondow Masa In Tanaa

Pipidan in buí i Lewi inta nobaḻí Imang Moḷoben

¹ Ki Lewi in kogadí kon adí ḷoḷaki toḷu: ki Gerson, ki Kehat bo ki Merari.

² Ki Kehat in kogadí kon adí ḷoḷaki opat: ki Amram, ki Yizhar, ki Hebron bo ki Uziel.

³ Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

⁴ Pipidan bui i Eleazar in noiduduimai naa: ki Pinehas, ki Abisua,

⁵ ki Buki, ki Uzi,

⁶ ki Zerahya, ki Merayot,

⁷ ki Amarya, ki Ahitub,

⁸ ki Zadok, ki Ahimaas,

⁹ ki Azarya, ki Yohanan,

¹⁰ ki Azarya (sia in nogundoi kon bonu in Baḷoi Tuhan inta pinosindog i Datu Salomo kon Yerusalem),

¹¹ ki Amarya, ki Ahitub,

¹² ki Zadok, ki Salum,

¹³ ki Hilkia, ki Azarya

¹⁴ ki Seraya, ki Yozadak.

¹⁵ Ki Yozadak naa inta noitakin dinia noyotakin in intau in Yohuda bo intau inta nogutun kon Yerusalem ibanea kon tungkuḷ in ki Tuhan noḷumbú kon i monia kon butá ibanea pinongin i Nebukadnezar.

Buí ibanea nongkon i Lewi

¹⁶ Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

¹⁷ Kon batúan monia in kogadí doman. Ki Libni bo ki Simei in ki adí mita in Gerson;

¹⁸ ki Amram, ki Yizhar, ki Hebron bo ki Uziel in adí mita i Kehat.

¹⁹ Ki Mahli bo ki Musi in ki adí mita i Merari.

²⁰ Pipidan in buí i Gerson in: ki Libni, ki Yahat, ki Zima,

²¹ ki Yoah, ki Ido, ki Zerah, ki Yeatrai.

²² Pipidan in buí i Kehat in: ki Aminadab, ki Korah, ki Asir,

²³ ki Elkana, ki Ebyasap, ki Asir,

²⁴ ki Tahat, ki Uriel, ki Uzia, ki Saul.

²⁵ Ki Elkana in kogadí kon adí ḷoḷaki doyowa: ki Amasai bo ki Ahimot.

²⁶ Pipidan in buí i Ahimot in: ki Elkana, ki Zopai, ki Nahat,

²⁷ ki Eliab, ki Yeroham, ki Elkana.

²⁸ Ki Samuel in kogadí kon adí ḷoḷaki doyowa: ki Yoël inta guya-guyang, ki Abia inta ai-ai.

²⁹ Pipidan in buí i Merari in: ki Mahli, ki Libni, ki Simei, ki Uza,

³⁰ ki Simea, ki Hagia, ki Asaya.

Mododondong mita in musik kon Baḷoi Tuhan

³¹ Pinangkoi kon Poti Dodandian pinamping kon tampat pooibadaan kon Yerusalem, ki Datu Daud in nomiḻídon kon intau mita inta kitogi totaau kon moindoi kon dondong podayow kon bonu in Baḷoi Tuhan.

³² Mosia in mopobayá in oaidan monia moyo-moyoḷuan kon Ḷoḷaigan i Tuhan kon dodai in ki Datu Salomo diápa noposindog in Baḷoi Tuhan.

³³ Pipidan in pinomuían in intau mita inta inogoian in oaidan tatua in noiduduimai naa: Nongkon inanakan i Kehat: ki Heman adí i Yoël. Sia in nobaḻí itoi kon intau mita inta mododondong inta imitánea. Pipidan in pinomuían nongkon ḻimonag bo pinoonik nodapot kon i Yakub in: ki Heman, ki Yoël, ki Samuel,

³⁴ ki Elkana, ki Yeroham, ki Eliel, ki Toah,

³⁵ ki Zup, ki Elkana, ki Mahat, ki Amasai,

³⁶ ki Elkana, ki Yoël, ki Azarya, ki Zepanya,

³⁷ ki Tahat, ki Asir, ki Ebyasap, ki Korah,

³⁸ ki Yizhar, ki Kehat, ki Lewi, ki Yakub.

³⁹ Ki Asap in itoi kon intau mita inta mododondong inta nogindua. Pipidan in pinomuían nongkon ḻimonag pinodamonik nodapot kon i Lewi: Ki Asap, ki Berekhya, ki Simea,

⁴⁰ ki Mikhael, ki Baaseya, ki Malkia,

⁴¹ ki Etai, ki Zerah, ki Adaya,

⁴² ki Etan, ki Zima, ki Simei,

⁴³ ki Yahat, ki Gerson, ki Lewi.

⁴⁴ Ki Etan in nobaḻí itoi kon intau mita inta mododondong inta nogintoḷu; sia in nongkon inanakan i Merari. Pipidan in pinomuíannea nongkon ḻimonag bo pinodamonik nodapot kon i Lewi: ki Etan, ki Kisi, ki Abdi, ki Malukh,

⁴⁵ ki Hasabya, ki Amazia, ki Hilkia,

⁴⁶ ki Amzi, ki Bani, ki Semer,

⁴⁷ ki Mahli, ki Musi, ki Merari, ki Lewi.

⁴⁸ Oaidan mita ibanea kon baḷoi pooibadaan in inogoi kon topotakin mita monia inta intau in Lewi doman.

Buí i Harun

⁴⁹ Ki Harun bo buínea in mototubá kon dupa, moposumba in kuruban payongon kon tudu in mezbah, mopobayá in bayongan upacara kon Yuang Totok motusi, bo moposumba in kuruban potobut kon dosa in umat in Israel. Tua komintan in inaidan monia pinodudui kon topotundú mita inta inogoi i Musa mogogundoi i Allah.

⁵⁰ Naa in pipidan in buí i Harun: ki Eleazar, ki Pinehas, ki Abisua,

⁵¹ ki Buki, ki Uzi, ki Zerahya,

⁵² ki Merayot, ki Amarya, ki Ahitub,

⁵³ ki Zadok, ki Ahimaas.

Pogogutunan in intau mita in Lewi

⁵⁴ Naa in butá pogogutunan inta inogoi kon inanakan i Kehat buí i Harun. Mosia in notarima kon tonsilai muna nongkon butá inta ain sinantú kon intau in Lewi.

⁵⁵ Butá monia in nongkon kotá in Hebron kon butá in Yohuda, bo rawang mita in bonok kon diugneamai.

⁵⁶ Táe gobá mita bo ḻipú mita kon butá inta kon diug in kotá tatua in inogoi kon i Kaleb ki adí i Yepune.

^57-59 Buí i Harun nokouḻí kon Hebron kotá inta pogogadopan, Yatir, bo ḻipú mita noiduduimai naa takin rawang mita in bonoknea: ḻipú Libna, Estemoa, Hilen, Debir, Asan, Bet-Semes.

⁶⁰ Kon butá in suku Benyamin nokouḻí in mosia kon ḻipú mita noiduduimai tanaa noyotakin in rawang mita in bonoknea: Geba, Alemet bo Anatot. Kobayong intua mita in 13 noḻipú sin mobaḻí pogogutunan in motoḷuadí mita monia.

⁶¹ Mopuḷú in ḻipú in suku Manasye kon dotá in toyopan kon Ongkag in Yordan in inogoi pinongin undian kon motoḷuadí mita kon bonu in inanakan i Kehat inta diápa nokouḻí kon butá.

⁶² Motoḷuadí mita kon inanakan i Gerson in nokouḻí kon 13 in ḻipú kon butá in suku i Isakhar, i Asyer, i Naptali, bo i Manasye inta kon Basan kon dotá in pomukaan kon Ongkag in Yordan.

⁶³ Pinongin undian doman, motoḷuadí mita kon bonu in inanakan i Merari nokouḻí kon 12 in ḻipú kon butá in suku i Ruben, i Gad bo i Zebulon.

⁶⁴ Natuata in pinososilai in bangusa in Israel kon suku in Lewi kon ḻipú mita takin rawang mita in bonoknea sin mobaḻí pogogutunan monia.

⁶⁵ Desa mita kon butá in suku Yohuda, Simeon bo Benyamin inta ain sinangoi tatua, in sinilai domandon pinongin undi.

⁶⁶ Kon butá in suku Epraim, tongosilai nongkon motoḷuadí mita in inanakan i Kehat in notarima kon ḻipú mita noiduduimai tanaa takin rawang bonok kon diugneamai:

⁶⁷ Sikhem, kotá pogogadopan kon buḷud in butá tatua, Gezer,

⁶⁸ Yokmeam, Bet-Horon,

⁶⁹ Ayalon bo Gat-Rimon.

⁷⁰ Kon butá in suku Manasye inta kon dotá in toyopan kon Ongkag in Yordan mosia in nokouḻí kon ḻipú in Aner bo Bileam takin rawang in bonok kon diugneamai.

⁷¹ Motoḷuadí mita in inanakan i Gerson in nokouḻí kon ḻipú mita noiduduimai naa takin rawang mita in bonok kon diugneamai: Kon butá in suku Manasye, kon dotá in pomukaan kon Ongkag in Yordan: Golan kon Basan bo Asytarot.

⁷² Kon butá in suku Isakhar: Kedes, Daberat,

⁷³ Ramot bo Anem.

⁷⁴ Kon butá in suku Asyer: Masal, Abdon,

⁷⁵ Hukok bo Rehob.

⁷⁶ Kon butá in suku Naptali: Kedes kon Galilea, Hamon bo Kiryataim.

⁷⁷ Buí i Merari inta diápa nokouḻí kon butá, in nokouḻí kon ḻipú mita inta noiduduimai naa takin rawang mita in bonok kon diugneamai: Kon butá in Zebulon: Rimono bo Tabor.

⁷⁸ Kon butá in Ruben, kon dotá in pomukaan kon Ongkag in Yordan kon diug in Yerikho: Bezer kon rata moḷantud, Yahas,

⁷⁹ Kedemot bo Mepaat.

⁸⁰ Kon butá in suku Gad: Ramot kon Gilead, Mahanaim,

⁸¹ Hesybon bo Yaezer.