TAWARIKH 1 3 - Alkitab Singog In Mongondow Masa In Tanaa

Ki adí mita ḷoḷaki i Daud

^1-3 Ki adí mita ḷoḷaki i Daud inta pinononggadí kon Hebron, podudui in umur monia in: Ki Amon – ki inánea in ki Ahinoam intau in Yizreel Ki Daniel – ki inánea in ki Abigail intau in Karmel Ki Absalom – ki inánea in ki Maakha adí bobay i Talmai datu in Gesur Ki Adonia – ki inánea in ki Hagit Ki Sepaca – ki inánea in ki Abital Ki Yitream – ki inánea in ki Egla.

⁴ Ki adí mita ḷoḷaki i Daud onom tatua in pinononggadí kon Hebron tampat pinomarentaan i Daud pitu notaong bo tobotak in koonggotnea. Kon Yerusalem, ki Daud in nomarenta 33 notaong in koonggotnea,

⁵ bo nobarong in ki adínea ḷoḷaki in pinononggadí kon tua. Kon i buḷoinea inta ki Batsyeba adí i Amiel, opat in ki adí i Daud kon inia inta pinononggadí kon Yerusalem: ki Simea, ki Sobab, ki Natan bo ki Salomo.

⁶ Oyúon doman in ki adínea ḷoḷaki ibanea taya siow: ki Yobhar, ki Elisua, ki Elipelet,

⁷ ki Nogah, ki Nepeg, ki Yapia,

⁸ ki Elisama, ki Elyada bo ki Elipelet.

⁹ Koḻikud in mosia tua oyúonpa doman in ki adí mita ḷoḷaki i Daud kon i pahangnea mita. Sia in kogadí doman kon adí bobay tangoinea in ki Tamar.

Buí i Datu Salomo

^10-14 Tangoi mita in datu mita in Israel nongkon i Datu Salomo noidapot kon i Yosia in ná noiduduimai tanaa: Ki Salomo, ki Rehabeam, ki Abiam, ki Asa, ki Yosapat, ki Yehoram, ki Ahazia, ki Yoas, ki Amazia, ki Uzia, ki Yotam, ki Ahas, ki Hizkia, ki Manasye, ki Amon bo ki Yosia.

¹⁵ Ki Yosia in kogadí kon adí ḷoḷaki taya opat: ki Yohana, ki Yoyakim, ki Zedekia bo ki Yoahas.

¹⁶ Ki Yoyakin in kogadí kon adí ḷoḷaki doyowa tangoinea in ki Yoyakhin bo ki Zedekia.

Buí i Datu Yoyakhin

¹⁷ Naadon in buí i Yoyakhin, datu inta dinomok in intau in Babel kon parang. Ki adínea ḷoḷaki in taya pitu: ki Sealtiel,

¹⁸ ki Malkhiram, ki Pedaya, ki Syenazar, ki Yekamya, ki Hosama bo ki Nedabya.

¹⁹ Ki Pedaya in kogadí kon adí ḷoḷaki doyowa: ki Zerubabel bo ki Simei. Ki Zerubabel in kogadí kon adí ḷoḷaki doyowa ki Mesulam bo ki Hananya, bo tobatú in adí bobay tangoinea in ki Selomit.

²⁰ Taya ḻimapa doman in ki adínea ḷoḷaki, inta ki Hasuba, ki Ohel, ki Berekhya, ki Hasaja bo ki Yusab-Hezed.

²¹ Ki Hananya in kogadí kon adí ḷoḷaki doyowa: ki Pelaca bo ki Yesaya. Ki Yesaya in ki amá i Repaya, ki Repaya in ki amá i Arnan, ki Arnan in ki amá i Obaja, bo ki Obaja in ki amá i Sekhanya.

²² Ki Sekhanya in kogadí kon adí ḷoḷaki tangoinea in ki Semaya, bo ki Semaya in kogadí kon adí ḷoḷaki taya ḻima tangoinea in ki Hatus, ki Yigal, ki Bariah, ki Nearya bo ki Sapat.

²³ Adí ḷoḷaki i Nearya in taya toḷu: ki Elyoënai, ki Hizkia bo ki Azrikam.

²⁴ Ki Elyoënai in kogadí kon adí ḷoḷaki taya pitu: ki Hodawya, ki Elyasib, ki Pelaya, ki Akub, ki Yohanan, ki Delaya bo ki Anani.