TAWARIKH 1 27 - Alkitab Singog In Mongondow Masa In Tanaa

Pojabat mita in tontara bo sipil

^1-15 Urusan pomarentaan dodatuan in Israel sinompia in tongguḷu in motoḷuadí, itoi mita in inanakan bo porwira mita. Muḷoi in taong kon bonu in tobuḷan topaanan in intau inta mogaid moyo-moyoḷuan kon bonu in tongganut in tongguḷu tobatú. Kon batúan in paanan 24.000 in intau. Naa in tangoi in tongguḷu mita in paanan inta mopobayá in oaidan muḷoi in buḷan: Buḷan imitánea: ki Yasobam ki adí i Zabdiel (sia in agat in inanakan i Peres suku in Yohuda). Buḷan nogindua: ki Dodai buí i Ahohi. Ki Miklot in oḻitnea. Buḷan nogintoḷu: ki Benaya ki adí i Imang Yoyada; sia in itoi “Paanan in Tridasawira” (ki Amizabad in oḻitnea). Buḷan noginggopat: ki Azael ki utat i Yoab (toḻiunea in ki Zebaja, adínea). Buḷan noginḻima: ki Samhut, buí i Yizrah. Buḷan noginggonom: ki Ira adí i Ikes nongkon kotá in Tekoa. Buḷan noginpitu: ki Heles, buí i Epraim nongkon kotá in Peloni. Buḷan noginwaḷu: ki Sibkhai nongkon kotá in Husa (sia in agat in inanakan i Zerah, suku in Yohuda). Buḷan noginsiow: ki Abiezer nongkon kotá in Anatot kon butá in suku Benyamin. Buḷan impuḷúnea: ki Maharai, buí i Zerah nongkon kotá in Netopa. Buḷan impuḷú bomitá: ki Benaya nongkon kotá in Piraton kon butá in suku Epraim. Buḷan impuḷú bodoyowá: ki Heldai buí Otniel nongkon kotá in Netopa.

Tongguḷu mita in suku kon bangusa in Israel

^16-22 Naa in daptar in tangoi in tongguḷu in suku kon bangusa Israel: Suku Tongguḷu Ruben ki Eleazer ki adí i Zikhri Simeon ki Sepaca ki adí i Maakha Lewi ki Hasapia ki adí i Kemuel Harun ki Zadok Yohuda ki Elihu, tobatú ginaḷum i Datu Daud Isakhar ki Omri ki adí i Mikhael Zebulon ki Yismaya ki adí i Obaja Naptali ki Yerimot ki adí i Azriel Epraim ki Hosea ki adí i Azazya Manasye inta kon dotá in toyopan kon Ongkag in Yordan ki Yoël ki adí i Pedaya Manasye inta kon dotá in pomukaan kon Ongkag in Yordan ki Yido ki adí i Zakharia Benyamin ki Yaasiel ki adí i Abner Dan ki Azareel ki adí i Yeroham

Suku Tongguḷu

²³ Ki Datu Daud in diá bidon nogiap kon intau mita inta umur kon ḻimonag in doyowa nopuḷú notaong, sin ki Tuhan in nodandidon kon mopobaḻí kon intau in Israel ná kobayong in tundi kon ḷangit.

²⁴ Ki Yoab ki adí i Zeruya in nomangkoidon nogiap, táe diá kinoḷapatnea, sin ki Allah in nohukum kon intau in Israel popisí in pinogiapan tatua. Manangka intua kobayong monia in diádon kinopaisan kon bonu in buk i Datu Daud.

Mononompia kon kapunyaan i Datu

^25-31 Naa in tangoi mita in mononompia kon kapunyaan i datu: Gudang mita kon komaḻig bo kon Yerusalem: ki Azmawet adí i Adiel Gudang mita kon ḷuai in Yerusalem: ki Yonatan ki adí i Uzia Monononggobá mita: ki Ezri ki adí Kelub Gobá mita in anggur: ki Simei nongkon kotá in Rama Tampat mita pototagúan kon anggur: ki Zabdi nongkon kotá in Syipmi Pangkoi in zaitun bo pangkoi in ara (kon sipangkoion in buḷud kon dotá in toyopan): Baal-Hanan nongkon kotá in Gederi Tampat mita pototagúan kon ḷana in zaitun: ki Yoas Bobiagon kon rawang Saron: ki Sitrai nongkon kotá in Saron Bobiagon kon ḷopá mita: ki Sapat ki adí i Adlai Unta: Ki Obil buí i Ismael Keledai: ki Yehdeya nongkon kotá in Meronot Domba bo bembé: ki Yazis, intau in Hagri.

Monononggina i Daud

³² Pokuamáan i Datu Daud inta ki Yonatan, in monononggina tobatú inta mopandoi bo nosikoḷa. Sia bo ki Yehiel adí i Hakhmoni inogoian in oaidan modidik kon i adí mita i datu.

³³ Ki Ahitopel in monononggina i datu, bo ki Husai intau in Arki, in monononggina bo yobayat modagin i datu.

³⁴ Naonda in ki Ahitopel minatoi, sia in binaḷuian i Abyatar bo i Yoyada adí i Benaya. Tongguḷu totokan in tontara in dodatuan in ki Yoab.