PINOGIAPAN 7 - Alkitab Singog In Mongondow Masa In Tanaa

Sosumba in itoi mita

¹ Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

² Bo bayongan intau moḷoben in Israel, inta nobaḻí tongguḷu in suku inta kitogi totaau kon pogiapan kon intau,

³ noposumba kon tayowon i Tuhan onom in roda bo mopuḷú bodoyowá in sapi; intau moḷoben doyowa mobogoi in roda tobatú, bo tumongo batu in sapi. Naonda in mosia noposumba intua,

⁴ ki Tuhan noguman kon i Musa,

⁵ “Tarimadon onu inta inogoi mita tatua sin pogakutan kon Ḷoḷaigan-Ku; ogoidon in bayongan tua kon intau in Lewi podudui in oaidan monia.”

⁶ Bo roda mita takin sapi mita tatua inogoidon i Musa kon intau in Lewi.

⁷ Roda doyowa bo sapi opat inogoinea kon intau mita i Gerson,

⁸ roda opat bo sapi waḷu inogoinea kon intau mita i Merari, podudui in oaidan inta pomiaan monia kon bonu in tongganut i Itamar, adí i imang Harun.

⁹ Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

¹⁰ Intau mita moḷoben nodia kon sosumba sin pakéon kon upacara ponabisan kon mezbah. Naonda in mosia nosadiadon modia kon bobogoi monia kon tayowon in mezbah,

¹¹ ki Tuhan noguman kon i Musa, “Potaaudon kon i monia kon pomuḷoi in singgai kon bonu in mopuḷú bodoyowá nosinggai tobatú intau kon sigad in itoi mita tatua musti moposumba in kurubannea kon upacara ponabisan kon mezbah.”

^12-83 Kon batúannea modia kon sosumbanea podudui in wakutunea: Singgai Suku Itoi Imitánea Yohuda Nahason adí i Aminadab Nogindua Isakhar Natanael adí i Zuar Nogintoḷu Zebulon Eliab adí i Helon Noginggopat Ruben Elizur adí i Syedeur Noginḻima Simeon Selumiel adí i Zurisyadai Noginggonom Gad Eliasap adí i Rehuel Noginpitu Epraim Elisama adí i Amihud Noginwaḷu Manasye Gamaliel adí i Pedazur Noginsiow Benyamin Abidan adí i Gideoni Impuḷúnea Dan Ahiezer adí i Amisyadai Impuḷú bomitá Asyer Pagiel adí i Okhran Impuḷú bodoyowá Naptali Ahira adí i Enan Naa in sosumba monia kon batúannea: tobatú in pindan saḷaka inta kobogatnea in tokilo bo tobotak bo tobatú in baskom saḷaka inta kobogatnea in 800 nogram, podudui in simbangan inta pinaké kon Ḷoḷaigan i Tuhan. Tampat doyowa tatua binonuan kinopuḻing in topong binauian in ḷana sin baḻíon sosumba oḷudon. Koḻikud intua pindan buḷawan tobatú inta kobogatnea in 110 nogram binonuan in dupa; sapi koḷakian batánea tobatú, domba koḷakian tobatú bo ki adí doman in domba inta umur totaong sin baḻíon kuruban payongon bo bembé doman koḷakian tobatú sin baḻíon kuruban potobut kon dosa; sapi doyowa, domba koḷakian ḻima, bembé koḷakian ḻima, bo domba inta umur totaong ḻima doman sin baḻíon kuruban pondamean.

Singgai Suku Itoi

^84-88 Sosumba inta dinia in itoi mopuḷú bodoyowá sin pakéon kon ponabisan kon mezbah tatua, kobayongnea komintan: – mopuḷú bodoyowá in pindan saḷaka bo mopuḷú bodoyowá in baskom saḷaka inta kobogat intua komintan 27,6 nokilo – Mopuḷú bodoyowá in pindan buḷawan, kobogat intua komintan in 1,32 nokilo, binonuan in dupa kinopuḻing – sapi koḷakian mopuḷú bodoyowá, domba koḷakian mopuḷú bodoyowá, ki adí in domba inta umur totaong mopuḷú bodoyowá, pinoyotakin in kuruban oḷudon nobaḻí intompodnea sin pakéon kuruban payongon – bembé mopuḷú bodoyowá sin baḻíon kuruban potobut kon dosa – sapi koḷakian doyowa nopuḷú bo opat, domba koḷakian onom nopuḷú, bembé onom nopuḷú bo domba umur totaong onom nopuḷú pakéon kuruban pondamean.

⁸⁹ Pomuḷoi in ki Musa tumuot kon Ḷoḷaigan i Tuhan sin moyosingog i Tuhan, sia mokodongog kon singog i Tuhan inta moguman kon inia nongkon tudu in taḷob in Poti Dodandian inta sinoyuak in patong kerub doyowa.