PINOGIAPAN 2 - Alkitab Singog In Mongondow Masa In Tanaa

Tampat in suku mita Israel kon bonu in pinononḷoḷaigan

¹ Ki Tuhan noguman kon i Musa bo kon i Harun:

² “Kon dodai intau Israel moposindog in ḷoḷaigan, bayongan intau musti mogutun kon ḷoḷaigan kon ḻibumai in bandera pinonobatúannea takin tomponuot in inanakannea tontaní. Ḷoḷaigan mita tatua musti daiton posindogon kon ḻibumai in Ḷoḷaigan-Ku, táe koḻin yayúon nongkon tua.”

^3-9 Kon dotá in pomukaan, tontara mita inta nomaké in bandera pinonobatúan i Yohuda musti mogutun kon ḷoḷaigan podudui in tontara bo itoi monia tontaní kon bonu in pipidan tanaa: Suku Itoi Kobayong intau Yohuda Ki Nahason adí i Aminadab 74.600 Isakhar Ki Netaneel adí i Zuar 54.400 Zebulon Ki Eliab adí i Helon 57.400 kobayongnea: 186.400 Pinonobatúan i Yohuda musti totok kon muna mayá.

Suku Itoi Kobayong intau

^10-16 Kon dotá in toḷatan, tontara inta noniung kon bandera pinonobatúan i Ruben, musti mononḷoḷaigan podudui in tontara takin itoi monia tontaní kon bonu in pipidan tanaa: suku Itoi Kobayong intau Ruben Ki Elizur adí i Syedeur 46.500 Simeon Ki Selumiel adí i Zurisyadai 59.300 Gad Ki Elyasap adí i Rehuel 45.650 kobayongnea: 151.450 Pinonobatúan i Ruben musti mobuat kon induanea.

suku Itoi Kobayong intau

¹⁷ Mopaḷut mako kon tua, kon yua-yuak in bayongan tontara Israel, suku i Lewi musti mayá takin kopota-potaan in Ḷoḷaigan i Tuhan. Naonda in pinononḷoḷaigan monia, dá natua doman in mosia mayá, mayá podudui in bandera monia tontaní.

^18-24 Kon dotá in toyopan, tontara inta nomaké in bandera pinonobatúan suku i Epraim musti mononḷoḷaigan podudui in tontara takin itoi monia tontaní kon bonu in pipidan tanaa: Suku Itoi Kobayong intau Epraim Ki Elisama adí i Amihud 40.500 Manasye Ki Gamaliel adí i Pedazur 32.200 Benyamin Ki Abidan adí i Gideoni 35.400 Kobayongnea: 108.100 Pinonobatúan suku i Epraim musti mayá kon tumi in suku i Lewi.

Suku Itoi Kobayong intau

^25-31 Kon dotá in utuan, tontara inta noniung kon bandera pinonobatúan in suku i Dan musti mononḷoḷaigan podudui in tontara takin itoi monia tontaní kon bonu in pipidan tanaa: Suku Itoi Kobayong intau Dan Ki Ahiezer adí i Amisyadai 62.700 Asyer Ki Pagiel adí i Okhran 41.500 Naptali Ki Ahira adí i Enan 53.400 Kobayongnea: 157.600 Pinonobatúan suku i Dan in tumi-tumimai mobuat.

Suku Itoi Kobayong intau

³² Kobayong intau Israel inta pinais kon bonu in pinonobatúan mita podudui in tontara mita monia tontaní, kobayongnea in 603.550 in intau.

³³ Ná inta pinarenta i Tuhan kon i Musa, intau in Lewi diábí pinais pinoyotakin in intau mita Israel ibanea.

³⁴ Intau Israel nogaid kon bayongan inta pinarenta i Tuhan kon i Musa. Mosia nononḷoḷaigan kon ḻibumai in banderanea tontaní, bo nobuat podudui in inanakan inanakannea.