MAZMUR 67 - Alkitab Singog In Mongondow Masa In Tanaa

Dondong sukur

¹ Kon i itoi in mododondong. Takin ito-itog kecapi. Mazmur.

² Igumon mako ki Allah in motabi bo momarakat kon i naton, igumon mako bobuion-Nea in kita takin pia in gina.

³ O Allah, igumon mako ibog-Mu kotaauan in sinangkub in dunia, bo kasaḷamatan-Mu in poniata kon sigad in bayongan in bangusa.

⁴ Igumon mako bangusa mita in modayow kon ini-Mu, o Allah, igumon mako bayongan in bangusa mopoyaput in sukur kon ini-Mu.

⁵ Igumon mako bayongan in bangusa morogiow pia in gina, bo modondong takin ḷunganga in gina. Sin moadil in pomomarenta-Mu bo mokapit kon bayongan in bangusa kon dunia.

⁶ Igumon mako bangusa mita in modayow kon ini-Mu, o Tuhan, igumon mako bayongan in bangusa mopoyaput in sukur kon ini-Mu.

⁷ Butá ain nobogoi in bungainea, Allah, Allah naton ain nomarakat kon inaton.

⁸ Ki Allah in nomarakatdon kon inaton; igumon mako Sia in horomaton kon sinangkub in dunia!