MAZMUR 3 - Alkitab Singog In Mongondow Masa In Tanaa

Sambayang doḷo-doḷom

¹ Mazmur i Daud, kon tungkuḷ in sia noḷagui nongkon i Absalom, ki adínea.

² O Tuhan, totuu mobarong in musungku, totuu mobarong in monubu kon inakó!

³ Nobarong in noguman kon ki Allah in doí motuḷung kon inakó.

⁴ Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

⁵ Akuoi in nokuani kon i Tuhan; bo nongkon buḷud-Nea inta motusi Sia in notubag kon inakó.

⁶ Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.

⁷ Diábí in akuoi moondok kon ribuan in musung inta mongopung kon inakó nongkon bayongan tampat.

⁸ Posaḷamatpa in akuoi, o Tuhan Allahku, hukumdon bo potungkudon in bayongan in saturuku.

⁹ Nongkon ini-Mu o Tuhan in totuḷung moiangoi, barakataipa kaasí in umat-Mu.