MAZMUR 150 - Alkitab Singog In Mongondow Masa In TanaaDayowdon in ki Tuhan ! 1 Dayowdon in ki Tuhan! Dayowdon in ki Allah kon bonu in Baḷoi-Nea! Dayowdon in ropot-Nea kon ḷangit! 2 Dayowdon in Sia popisí in aid-Nea inta motorindog. Dayowdon in Sia popisí in koḷoḷantud-Nea inta moḷoben. 3 Dayowdon in Sia in singog in torompet, dayowdon in Sia in gambus bo kecapi! 4 Dayowdon in Sia in rebana bo tayok, dayowdon in Sia in kecapi bo bansí. 5 Dayowdon in Sia in ceracap inta modorasing, dayow in Sia in canang inta moḷangon. 6 Biódon mako in bayongan in mahaḷuk inta nobiag modayow kon i Tuhan. Dayowdon in ki Tuhan! |
Alkitab Singog In Mongondow Masa In Tanaa © Indonesian Bible Society, 2016.
Indonesian Bible Society