MAZMUR 133 - Alkitab Singog In Mongondow Masa In TanaaTabi pogogutat 1 Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian! 2 Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea. 3 Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi. |
Alkitab Singog In Mongondow Masa In Tanaa © Indonesian Bible Society, 2016.
Indonesian Bible Society