MAZMUR 127 - Alkitab Singog In Mongondow Masa In TanaaModayow kon kopopia i Allah 1 Dondong i Salomo. Aka deeman ki Tuhan in noposindog in baḷoi, yo diábí in mangaḻe in mogogimoknea mita mogaid. Aka deeman ki Tuhan in moḷukad kon kotá, yo diábí in mangaḻe in poḷukadan in moḷoḷukad. 2 Diábí in mangaḻenea in simiḷopí totok in mogaid motayak kon kobiagan, mobangon doḷo-doḷom bo mosiug moonggot kon doḷom; sin ki Tuhan in moposadiabí kon i monia inta kinotabi-Nea, kon tungkuḷ in mosia mosiugpa mako. 3 Adí mita in ki Allahbí in nobogoi, totuubí kon mosia tua in totabibí. 4 Adí mita ḷoḷaki inta nouḻí kon dodai in nobagupa naonda bo piot kon ḻima in momomiot. 5 Pia in kamang totok in intau inta oyúon in tongkaaḷ piot mita ná tatua! Sia in diábí taḷowon, kon dodai in moyogintayow in musung kon pongadilan. |
Alkitab Singog In Mongondow Masa In Tanaa © Indonesian Bible Society, 2016.
Indonesian Bible Society