MAZMUR 123 - Alkitab Singog In Mongondow Masa In Tanaa

Sambayang mokikotabi Tuhan

¹ Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

² Naonda bo ata tobatú mongamang mako kon i tuangnea, bo ata bobay ata mogoḷat mako kon i tuangnea bobay, natuata in kami mogoḷat mako kon ini-Mu, o Tuhan, Allah nami, modapot in Iko monotabi kon inami.

³ Kotabipa kaasí in kami, o Tuhan, kotabipa in kami, sin noiḻiudon in pinononingkuḻe kon inami.

⁴ Tugatdon in pinogogempeng in intau nooyúon kon inami, bo singkuḻe in intau mita moḷoḷatú.