MAZMUR 120 - Alkitab Singog In Mongondow Masa In TanaaSambayang mokituḷung 1 Dondong mayá in Baḷoi Tuhan. Kon bonu in susaku akuoi mokuani kon i Tuhan, bo Sia in notubag kon inakó. 2 O Tuhan, posaḷamatpa in akuoi nongkon intau mouboḷ bo moakaḷ. 3 Ei mononompobaḻik, onu in aidan i Allah kon inimu? Onu in pohukum-Nea kon i monimu? 4 Kodia-dia in piot moruit in pojuang tobatú, takin doman in baga inta kodoko-dokot! 5 Moboditodon in akuoi popisí in musti mobiag moyotakinmu; diá in yoposinea naonda bo nogutun kon Mesekh, andeka kon sigad in intau in Kedar. 6 Noonggotdon in akuoi in nogutun noyotakin in intau mita inta doí in dodamean. 7 Aka akuoi mongonguman kon dodamean, yo koibog monia in parangbí. |
Alkitab Singog In Mongondow Masa In Tanaa © Indonesian Bible Society, 2016.
Indonesian Bible Society