AYUB 25 - Alkitab Singog In Mongondow Masa In Tanaa

Ki Bildad

^1-2 Bo ki Bildad in notubag, “Ki Allah tua in totok mokawasa; bayongan in intau musti motoguondok kon tayowon-Nea; Siabí inta nomiag kobiagan modame kon bonu in dodatuan-Nea kon soroga.

³ Koiapan degá in malaekat inta nogundoi kon i-Nia? Oyúon degá in tampat inta diá sinindaran in bayag-Nea?

⁴ Degá intau motusi kon mata i Allah? Degá nodarit kon tayowon-Nea?

⁵ Kon i Allah, nodapot in buḷan diábí notarang, bo tundi in inanggapneabí nokudow.

⁶ Apadoman intau, ki oḷuasi, ki pangkoḷá! Kon mata i Tuhan, sia in totuubí kon diá koboḻi.”