NEHEMIA 7 - Allah Wene Fano Wene Hupla Inane

O kota along palogo kagalek logowageluk menfisilik lagaikhe wene

¹ Nen, pak leget a'nogo mondogat wanhukwama re an kwe sou ebe wusuageluk yagaisigi. A'nogo yagaisigirik he an nen it ap o kota kwi lagu mene ebekhalem kagalek werek mene inom, it ap wuni watu mene inom, it Lewi inap inom, ineabu lombok hilingisuageluk yagaisasigi.

² Nen, o Yerusalem oba andoma afuni melalinafi logouwageluk he an nagailak Hanani a'nogo inom, Hananya ap sikhe fisogo inap inoe endawinggen mondok hambuk lele warek agun a'nogo inom inoba wogisigi. Andi re at he ap amu mene horok maben hak kwelek at enek he mondok alongsek logolik ebe ogo Allah ba ailorogo hilingitu nen yabu elok hilingisu hagenegen at inom wogisigi.

³ A'nogo wogisaluk an nen it inoba ikhi logolik he, ”O Yerusalem kwi laguba kwe andi re o weirogo linggene agu halok enek huthi logogun, nen, it ap kagalek logogun mene arat hu'mo agu halok kwe yagat fuluk kelok watfikhi logogun. Andi nen ekhere it afuni Yerusalem mene inanggele'ma andoma nen ap o obalik lombok-lombok kagalek werek mene faget inom, nen it inawi lukwe omanogo men-menengge laga logolik kagalek werek mene inom, faget men fisagain,” iluk yagaisigi.

It afuni hele warogo woginarek lagaukwama nen wagaukwa mene omanogo inenu palek he yi

⁴ O Yerusalem andi re kota hokho meneba nen he afuni andoma werek mene re endebat welagaukwa, nen o wurik ogore endebenggeat wurik welagaikhe.

⁵ Andiba Allah nen he an nen ap holhu mene inom, it melalinafu mene inom, inogogwi kaindek inom, kaboget fisigirik, it inebe inero ta'lagaukwa higithogo palek mene wenaginabuageluk ekhe weinamet nobagaikhemo re a'nogo hilingiti. Nen, andem oba re an nen it ap inebe hele warogo huginabi lagaukwama nen attak-attak inambotkwe sugulogo wagaukwa mene omanogo inenu palek a'nogo were'ma heratigi. Ambolkwe yi re lisu palek welaga mene andiba were'ma higi mene re yi'nogo:

⁶ Afuni hele warogo huginabi lagaukwa mene omanogo inebe hokhorogo o Propinsi Babel a'nogo herakfuluk, nekhengge inambotkwe o Yerusalem inom Yehuda inom inawi kota lombok wagaukwa. It inebe re at raja Nebukadnezar en hele warogo felelenginarek o Babel huginabi lagaikhemo omanogo inenggi aninurogo welagaukwasik wagaukwa.

⁷ It ap wagaukwa mene omanogo inogogwi melalinafi lagaukwa mene re, Zerubabel, Yesua, Nehemia, Ararya, Raamya, Nahamani, Modekhai, Bilsan, Misperet, Bigwai, Nehum, Baana inom.

^8-25 Nen, it afuni Israel mene ineisok erokwe nen it inunggulenu hilingik aremnogo higithogo lambulogo wenak higik huginabi lagaukwama andoma nen wagaukwa mene inenu palek he yi: Paros inap he – 2.172 nen Sefaca inap he – 372 nen Arakh inap he – 652 nen Pahat-Moab (At Yesua inom Yoab inom inambisangma mene) re – 2.818 nen Elam inap he – 1.254 nen Zatu inap he – 845 nen Zakai inap he – 760 nen Binui inap he – 648 nen Bebai inap he – 628 nen Azgad inap he – 2.322 nen Adonikam inap he – 667 nen Bigwai inap he – 2.067 nen Adin inap he – 655 nen Ater (Ekhe Hizkia ikhi lagaukwa mene) andi inap he – 98 nen Hasum inap he – 328 nen Bezai inap he – 324 nen Harif inap he – 112 nen Gibeon inap he – 95 nen wagaukwa

^26-38 It afuni inambu inomba lak o kota-kota enu a'makwe yiba welagaukwa mene andoma ogore hele warogo huginabi lagaukwama andoma nen wagaukwa mene welagauwa mene re yi: OBetlehem inom Netofa inom oba re – 188 nen O Anatot oba re – 128 nen O Bet-Azmawet oba re – 42 nen O Kiryat-Yearim, Kefira, Beerot oba re – 743 nen O Rama, Gaba oba re – 621 nen O Mikhmas oba re – 122 nen O Betel, Ai oba re – 123 nen O Nebo amu mene oba re – 52 nen O Elam amu meneba re – 1.254 nen O Harim oba re – 320 nen O Yerikho oba re – 345 nen O Lod, Hadid inom Ono inom oba re – 721 nen O Senaa ba re – 3.930 nen

^39-42 It ap imam ineisok erokwe mene nen he inunggulenu lombok huginabi lagaukwama inambotkwe wagaukwa mene inenu palek he yi: At Yedaya (Hun Yesua ambisangma mene) nen he – 973 nen Imer mene re – 1.052 nen Pasyur mene oba re – 1.247 nen Harim mene re – 1.017 nen

^43-45 It inunggulenu Lewi mene hele warogo huginabi lagaukwa ma omanogo nen ineisok erokwe mene lombok wagaukwa mene re inenu palek he yi: Yosua inom, Kadmiel inom (Hun Hodewa Ambisangma mene re) – 74 nen Hun Asaf ambisangma mene o TUHAN Aiba nenhilingiti lagaikhe mene re – 148 nen Hun Salum, Ater Talmon, Ahub, Haatita Sobai it andem inambisangma mene nen O TUHAN Awi wuri'mo kwi laguba Ebekhalem kagalek welagaukwa mene re – 138 nen wagaukwa

^46-56 It ap o TUHAN Awiloba yabu hilingiti lagaukwa mene inunggulenu lombok ineisok erokwe mene lombok huginabi lagaukwama andoma nen wagaukwa mene inenu palek he yi: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Temah, Neziah Hatifa inom andem wagaukwa.

^57-59 It ap hun Salomo obaget yabu hilingiti lagaukwa mene inunggulenu lombok ineisok erokwe mene inom huginabi lagaukwama, wagaukwa mene inenu palek he yi: Sotai, Soferet, Perida, Yalaa, Darkon, Gidel, Sefaca, Hatil, Pokheret-Hazebaim, Amon, inom wagaukwa.

⁶⁰ It ap TUHAN Awi wuri'mo yabu hilingiti lagaukwa mene inom, nen at Salomo obaget yabu hilingiti lagaukwa mene inom hele warogo huginabi lagaukwaba andoma nen inambotkwe wagaukwa mene re inebe 392 nen mene wagaukwa.

^61-62 It afuni o kota enu Tel-Melah inom, Tel-Harsa inom, Kerub inom, Adon inom, Imer inom, andoma nen wulibi wagaukwasik wagaukwa mene nen, it inunggulenu Delaya inom, Tobia inom, Nekoda inom, at wagaukwa mene inebe seberogo re 642 nen. Oba nen he iren nit eberogo afuni Israel mene inambisangma nen iluk selekhogo ikhi lagaukwa lek.

^63-64 Andi hakhogo it ap imam inap fenakwe ogore it inombawi inebe titi iluk palek werek mene heratukwa legat. It heratukwa lek mene andem he inunggulenu Habaya mene inom, Hakos mene inom, Barzilai mene inom. (Barzilai andi re it inunggulenu Barzilai mene nen imam welagaukwa mene andoma inombaba nen he aren agwe unggulenu Barzilai ambisangma mene o Gilead andoma mene helasikhesik he, enu at eyamal enu bene salhikhe mene andi inom.) It andem he nit ninombawi inebe titi iluk weinamhogo isukwa le'ma re it inebe imam mene iluk woginafukwa lek.

⁶⁵ It andi re at gubernur o Yehuda ba andoma welagaikhe mene yi mene ti mene nunggu mene Allah obaget fuluk wogetu mene omanogo ninggi logogun lek iluk inane huli fesukwama werek kwelek enek he it ap imam misik ekhe nen Allah endawimo anggili'lago mene ninelu asuageluk hilingiti lagaukwa mene enu Urim inom Tumim oba nen ninggi'nogo hilingisugun iluk ilagunem en enek he, ninggi lagaukwa.

^66-69 It afuni hele warogo huginabi lagaukwa mene andoma inaiba inanggweang eroma inambotkwe wagaukwa mene inebe lambulogo re 42.360 nen. Nen, it andem werek kwelek he fenakwe it leberinafu mene wagaukwa mene re inebe 7.337 nen, nen it wuni ugu inap he 245 nen mene wagaukwa. A'nogo waga logolik he, iren inanggo wam yi mene ti mene helaluk wagaukwa mene re yi: Kuda re – 736 nen Bagal he – 245 nen Unta re – 435 nen Keledai re – 6.720 nen

^70-72 It afuni holhu mene inebe hokhorogo nen he o TUHAN Awi a'nogo pugunhogo wutunem leberisogoin iluk inendawi fano nen kabogetukwa mene re yi: Aten he re 8 mangkuk loyang wene kabogeti logolik wanhunggere 50 nen iten sulabatu mene re 530 nen inom kabogetukwa. It inunggulenu lombok fagetwerek mene nen he re 168nen he 1.250fesukwa. It afuni fena amu mene nen he re 168

⁷³ A'nogo kabogesi wagaukwasik it ap imam inom Lewi inap inom, o TUHAN Awi wuri'mo kwe kwi laguba kagalek werek inap inom, wuni ugu inap inom, afuni holhu mene hokho-pokhorogo inom, it ap TUHAN Awiloba yabu hilingitu inap inom, nen ebe horokhogo re it afuni Israel mene inebe mondogat inom, o Yehuda ba omanogo o kota kwe inom, nen o sili endep kwe inom hokho kwe inom, ya kwigik, ta kwigik lagaukwasik welagaukwa.