MAZMUR 129 - Allah Wene Fano Wene Hupla Inane

It inaselei mene andoma inenggi ambisangma inoasuageluk kinotikhe wene

¹ Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

² ”An nebe sougeba nen engge iren noba enggin fenggin fikhi lagaukwa, oba nen he iren an nomame leget nobagakhi lagaukwa lek,

³ iren an nambotkwe hilingnobagali'lagwi mene noumo alimbore, ap yabu wen liabik lagaikharek mene hangge wing-wang ili'lago.

⁴ Oba nen he At Tuhan mondok tiphogo nek hilingiterek mene a'nogo nen, an afuni nen sebelnarek were'ma fikhalogo nobagaikhemo welagi.

⁵ It afuni o Sion inabit anggili'lagwi mene andi re, inomame legetfisaluk warogo lakfisoak.

⁶ It andi re omirik engga o tum oba fulelhu mene wulibigin ha'ma nen, puk agarek a'nogo higit hilingik logouwak,

⁷ afuni nen ogo ekhe palu lek hak, athe palogo kabogesi lagu mene iluk ogo keralu elo'legat.

⁸ It afuni kwe andoma lagaikharek mene nen he, ”Hat he Tuhan nen fanot hobagakhi logouwak, nen niren ogo Tuhan enuba hat fanot hobagakhi lago iluk, ikhi logogun legaro,” isikhe.