MAZMUR 120 - Allah Wene Fano Wene Hupla Inane

Lebetninabuageluk samban agarek wene

¹ Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

² Tuhan neisena, it afuni ineranen wene igik, inane nen weregaphogo igik, agarek mene andoma inoba nen telnabin o.

³ Yago, hit hineranen wene ikhi lagep hinap yoma, At Allah nen he hit inoba ninggi'nogo ekhe hilinghinobagagin nogo? Nenameneba Aren wene hinoba fagain nogo?

⁴ Ap weim aninirogo yafarek mene nen sige kabelek meneba inom, endu enggen amulok kulung hikherek meneba inom hinoba fagain o!

⁵ An nebere o Mesekh welagi halok inom afuni Kedar mene inanggele'ma andoma welagi halok inom he higirenek o, we an nebe hit ninom seberogo welago andi nen mondok alomarogo fakhikhi lagi o.

⁶ An he it ekhe afuni inebe seberogo logolik fanorogo welagaikharek inabit mene andoma ninom mondok aninurogo welagi o.

⁷ An nen it inoba fanorogo welagaikharek mene faget yagaisikhi lagi oba nen he iren weim awene nek inendawirogo welagaikharek.