EZRA 2 - Allah Wene Fano Wene Hupla Inane

Afuni hele warogo fisa lagaukwaba omanogo nen inaiba nekhengge wagaukwa mene inenu palek a'nogo re yi

¹ It afuni at raja Nebukadnezar en hele warinarek o Babel fisa lagaikhe mene omanogo welagaukwa mene re, it afuni omanogo inanggele'ma nen inebe hokhorogo o Babel herakfuluk he it inonggwarek inawi kota ba omanogo lombok o Yehudaba inom, Yerusalem oba inom, omanogo wagaukwa.

² It afuni andoma wagunem melalinafi lagaukwa mene re hun Zerubabel, Yesua Nehemia, Seraya, Reelaya, Mordekhai, Bilsan, Mispar, Bigwai, Rehum, Baana inom andem. It afuni Israel mene nen inunggulenu akhogo hilingik mene omanogo ineisok erokwe lombok ap inebe wagaukwa mene inom, wenagaisogo hele warogo welagaukwaba omanogo nen inaiba wagaukwa mene re inebe inenu palek he yi:

^3-20 Paros eisok erokwe mene re – 2.172 nen Sefaca nen he – 372 nen Arah – 775 nen Pahat-Moab (Yesua inom, Yoab inom inambisangma) mene re – 2.812 nen Elam – 1.254 nen Zatu nen he – 945 nen Zakai nen he – 760 nen Bani nen he – 642 nen Bebai nen he – 623 nen Azgad nen he – 1.222 nen Adonikam en he – 666 nen Bigwai nen he – 2.056 nen Adin nen he – 454 nen Atder igik Hizkia igik agarek mene andi nen he – 98 nen Bezai nen he – 323 nen Yora nen he – 112 nen Hasum en he – 223 nen Gibar en he – 95 nen

^21-35 It afuni fenakwe hele warogo fisa lagaukwaba omanogo nen inambotkwe it inambu inomba welagaukwa kwe o kota-kota ebe lombok wagaukwa kwe a'nogo re yi: O kota Betlehem oba re – 123 nen O Netofa oba re – 56 nen O Anatot oba re – 128 nen O Asmawet oba re – 42 nen O Kiryat-Arim, Kefira, Beerot oba re – 743 nen O Rama inom Gaba inom oba re – 621 nen O Mikhmas oba re – 122 nen O Betel inom Ai inom, oba re – 223 nen O Nebo oba re – 52 nen O Magbis oba re – 156 nen O Elam ekhe alekwe meneba re – 1.254 nen O Harim oba re – 320 nen O Lod, Hadid, Ono, oba re – 725 nen O Yerikho oba re – 345 nen O Senaa oba re – 3.630 nen

^36-39 It inunggulenu imam mene a'nogo ineisok erokwe mene hele warogo welagaukwaba omanogo nen inaiba inambotkwe wagaukwa mene inenu palek he yi: Yeyada (ap Yesua ambisangmangge) mene nen he – 973 nen Imer mene nen he – 1.052 nen Pasyhur mene nen he – 1.247 nen Harim mene nen he – 1.017 nen

^40-42 It inunggulenu Lewi mene ineisok erokwe mene o hele warek welagaukwaba nen wulipluk inaiba wagaukwa mene re: Yesua inom, Kadmiel inom (Hodawya ambisangmangge) mene nen he – 74 nen (Asaf ambisangmangge) mene o Tuhan Awi wuri'mo nen wuni wati lagaukwa mene omanogo mene re – 128 nen (Hun Salum, Ater, Sobai inambisangmangge) mene nen o Tuhan Awi a'nogo kwe ambe palek oba kagalek welagaukwa mene omanogo mene re – 139 nen

^43-54 It afuni Tuhan Awi wuri'mo yabu hilingiti lagaukwa mene omanogo inambisangma mene helewarek welagaukwaba omanogo nen wulipluk wagaukwa mene re: Ziha, Hasufa, Taba ot, Keros, Siaha, Padon, Lebana, Hagaba, Akub, Hagab, Samlai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsa, Barkos, Sisera, Temah, Neziah inom, Hatifa inom.

^55-57 At Salomo eisok erokwe mene at eabu hilingiti lagaukwa mene omanogo nen tagomangge mene hele warogo welagaukwaba omanogo nen wulipluk wagaukwa mene re: Sotai, Soferet, Peruda, Yaala, Darkon, Gidel, Sefaca, Hatil, Pokheret-Hazebaim, Ami inom andoma.

⁵⁸ It ap Tuhan Awiloba yabu hilingiti lagaukwa mene omanogo inom, nen at Salomo eabu hilingiti lagaukwa mene omanogo inom it inambisangmangge mene inaiba wagaukwa mene inebe seberogo re 392 nen.

^59-60 It ap o kota Tel-Melah, Tel-harsa, Kerub, Adan, Imer, inom welagaukwa mene inaiba logoin iluk wagaukwa mene andoma re inebe lambulogo re 652 nen. It inebe re hun Delaya, Tobia, Nekoda, inom andoma inambisangma mene. Oba nen he iren nit eberogo it afuni Israel mene inambisangma mene welago iluk enek aple ekhe welagaukwa lek.

^61-62 It ap inunggulenu imam mene omanogo nen inambisangma mene fenakwe re it inombawi inenu palek mene a'nogo lek welagaukwa mene re: It inunggulenu Habaya mene inom, Hakos mene inom, Barzilai mene inom. (At Barzilai ambisangma mene nen he it inunggulenu Barzilai mene o Gilead welagaukwa mene omanogo nen hele misik ekhe helasikhesik he, aren enu eyamal enu bene salasikhe.) It andi re nit ninambu-ninomba enu ebe ti iluk tukhumhogo welagaukwa lek.

⁶³ It afuni a'nogo re at gubernur en yagaisikhi logolik he, ”Ap imam misik ekhe nen Tuhan endawimo anggikherek mene inelu asuageluk kino ugu mene Urim inom Tumim inom aremnogo inoba oan kino igi'lek logolik he, yi mene ti mene Allah faget iluk fei wagungge andoma ninggi logogun lek,” iluk ane silo fesikhe.

^64-67 It afuni hele warogo fisa lagaukwama nen inaiba wagaukwa mene andoma re inebe seberogo re 42.360. Andi nen it fena leberinafu mene inom wagaukwa mene re inebe 7.337 nen, it ap wuni wulafu inap he inebe 200 nen wagaukwa. It inebe waga logolik he, inanggo helaluk wagaukwa mene re: Wam kuda re – 736 nen Wam bagal he – 245 nen Wam unta re – 435 nen Wam keledai re – 6.720 nen waluk wagaukwa.

⁶⁸ It afuni hele warogo hugisa lagaukwa mene a'nogo o Tuhan Awi wuri'mo Yerusalem omanogo asi wagaukwasik he, it ap inogogwi fenakwe inunggulenu akhogo hilingik mene melalinafi lagaukwa mene omanogo nen he o Tuhan Awiba a'nogo wutu mene faget iluk inendawi fanoba yi mene ti mene Tuhan wogetukwa.

⁶⁹ Iren he we it inenggimo were'ma hilingisu higithogo nek fei wagaukwama re, iren fei wagaukwangge andi ambisangma hilingik welagaikhe mene hunogo lombok wenagaisogo re emas re enggin 500 kilogram en hilingik welagaikhe, nen perak he enggin 2.800 nen welagaikhe, nen su jubah it ap imam labetu mene faget he 100 nen hilingik welagaikhe.

⁷⁰ It ap imam omanogo inom, it Lewi mene inom, It afuni fenakwe minggirogo inom he o kota horok-horokwe omanogo wagaukwasik andoma welagaukwa. Nen, wuni wulafu mene inom, O Tuhan Awi a'nogo solombonma kagalek logolik werek inap inom, it Tuhan Awiloba yabu hilingitarek inap inom, nen it afuni Israel mene fena hokhorogo minggirogo inom he, attak it inambu-inomba welagaukwa kwe omanogo kwilik lagaukwasik andoma welagaukwa.