BILANGAN 34 - Allah Wene Fano Wene Hupla Inane

O Kanaan kweang andi huli-huli fesukwa wene

¹ Tuhan en Musa yagati logolik,

² wene melalek afuni inunggulenu Israel mene yagaisoageluk wogetikhe mene re yi, ”We horok yogondak hit o Kanaan kweang oba, kweang An nen hit hinonggwarek hinanggweang asubagaigeluk wokhisasigiba a'nogo kwi louwogeluk welagep. Hit hinaiba hinanggweang andi huli-huli re yi.

³ Eil a'ma selatan fikhit huli-huli re o Zin leimo andoma nen hiling-hiling he o Edom huli andomaba. Mo lagai wagarek fikhiren hulire i Laut Mati wurepma selatan fikhit andoma nen he,

⁴ kwanirogo re eil a'ma selatan fikhit ebekwe o Akrabim louwogeluk lagaikharek oba nen he hiling-hiling o Zin nen he o Kades-Barnea abel selatan fikhit andomaba. Andem en kwanirogo abel barat laut fikhit he o Hazar-Adar huli andoma nen hiling-hiling o Azmon huli andomaba,

⁵ Andem en haningisogo re tonggo o Mesir inom huli-hulimo andoma nen he wurep kobokhogo i Laut Tengah ba huli-huli watfesukwa.

⁶ Hit hinawi andi abel barat fikhit huli-huli re i Laut Tengah andi logogin.

⁷ Abel poikwe utara fikhit faget huli-huli re ero i Laut Tengah andiba nen hiling-hiling he Tom Hor oba

⁸ andoma nen he, kwe o Hamat louwogeluk lagaikharek meneba nen he hiling-hiling o Zedad oba,

⁹ andi nen o Zifron nen wurep kobokhogo re o Hazar-Enan huli andomaba hilingik logogin.

¹⁰ Abel mo ubuk ikherek fikhit huli-huli re, o Hazar-Enan nen hulirogo o Sefam oba andoma.

¹¹ Andoma nen pelabek he, o Ribla o Ain nen mo liabi wagarek fikhit andoma nen he hiling-hiling he, mo liabi wagarek fikhit en i Galilea yenggelek mene esanggokwe nen pikhit mo liabi wagarek fikhit haning-haning andoma nen he,

¹² abel a'ma selatan fikhit he, i Yordan oba nen Laut Mati huliba andoma. Hit hinaiba hinanggweang haningisogo huli-huli warek logogin menere andiba o,” iluk yagaisano yagatikhe.

¹³ Yagatikhemo Musa nen afuni inunggulenu Israel mene a'nogo inoba yagaisikhi logolik he, ”Kweang hiren hinenggi walhogo helep enggen hukhambik helogoin mene re andoma, kweang andire At Tuhan nen wene melalek oba re it Israel mene inunggulenu sogo nen fena minggilogo a'nogo nen helogoin isikhe mene.

¹⁴ It inunggulenu Ruben inom, Gad inom, it Manasye mene fena minggilogo inom he, it inangge asuageluk mondogat helasukwa, nen kweang andoma ogo re it ineisok erokwe hilingik higithogo sumbut-sumbut agaukwa.

¹⁵ Kweang it inangge eise agaukwa mene re i Yordan nen mo liabi weri'lago fikhit, o kota Yerikho horokhogo andomaba.” iluk yagaisasikhe.

Kweang andi sumbusuageluk inogogwi kaindek menfisasukwa wene

¹⁶ Tuhan nen Musaba ikhi logolik he,

¹⁷ Hit hinaggele'ma andoma nen kweang andi sumbusugun mene re at imam Eleazar inom he Yosua hun Nun amlogo andi inomen sumburisogoin.

¹⁸ Kweang andi sumbutunem, it Eleazar inom Yosua inom andemen leberisikhi logouwageluk he afuni it inunggulenu lombok omanogo inogogwi melalinafu mene misikdek higik inenggi tum watfisilik loak.” iluk yagatikhe.

^19-28 Yagatikhemo ap inenggi tum inoba watfesukwa mene inebe re yi: Inunggulenu Inogogwi melalinafu mene Yehuda mene re Kaleb hun Yefune amlogo Simeon mene re Samuel hun Amihud amlogo Benyamin mene re Elidad hun Kislon amlogo Dan mene re Buki hun Yogli amlogo Manasye mene re Haniel hun Efod amlogo Efraim mene re Kemuel hun Siftan amlogo Zebulon mene re Elisafan hun Parnah amlogo Izakhar mene re Paltiel hun Azan amlogo Asyer mene re Ahihud hun Selomi amlogo Naftali mene re Pedael hun Amihud amlogo

Inunggulenu Inogogwi melalinafu mene

²⁹ Ap Tuhan nen o kweang Kanaan a'nogo afuni inunggulenu Israel mene inanggweang asuageluk wenagaisogo menfisasikhe mene inenu re andem.