BILANGAN 2 - Allah Wene Fano Wene Hupla Inane

Inunggulenu lombok inobalik tomok o sabu salikhi lagaukwa wene

¹ At Tuhan nen Musa inom Harun inom emberek inoba yagaisikhi logolik he,

² ”Afuni Israel mene inawi sabu wurikhi logolik halok he, it ap inebe lombogen he it inunggulenu mene faget inangge bendera inom lomboget higik ineisok erokwe lombok wurikhi logogun. It inawi sabu andoma re An Nawi sabu sale'ma andoma wuti logogun oba nen he, An Nawi sabumo nen he we eil misik pa'nakhogo wuti logogun.

^3-9 Fena o mo ero fikhit andoma re it esa inunggulenu Yehuda inap inangge bendera it ineisok erokwe mene lombok a'nogo inogogwi melalinafu mene lombok hinawi tenda salogo wusugun mene palek werek mene re yi: Inunggulenu Inogogwi kaindek mene Inebe wenagaisogo Yehuda mene Nahason hun Aminadab amlogo 74.600 nen Isakhar mene Netaneel hun Zuar amlogo 54.400 nen Zebulon mene Eliap hun Helon amlogo 57.400 nen Inebe seberego re: 186.400 nen It Yehuda mene esa logalek omanogo re attak-attak laga logogun.

Inunggulenu Inogogwi kaindek mene Inebe wenagaisogo

^10-16 Fena selatan fikhit andoma re it esa inunggulenu Ruben mene inawi bendera telik era'lukwe inebe logalek higithogo inogogwi ferinarek lombok wusugun mene lisu palek werek he yi: It Ruben mene esa logalek he ombo'ne pirenegengge laga logogun. Inunggulenu Inogogwi kaindek mene Inebe wenagaisogo Ruben mene Elizur hun Zyedeur amlogo 46.500 nen Simeon mene Selumiel hun Zurisyadai amlogo 59.300 nen Gad mene Elyasaf hun Rehuel amlogo 45.650 nen Inebe seberogo re 151.450 nen

Inunggulenu Inogogwi kaindek mene Inebe wenagaisogo

¹⁷ Andi mondogat lagunem he, it Israel inap mondogat esa logalek mene inanggele'ma andoma re it inunggulenu Lewi mene Tuhan Awi Sabu salek a'nogo hambogo'luk laga logogun. It inawi sabu wurik aremnogo higithogo it inebe esa ogore it inangge bendera werek higit-higit laga logogun.

^18-24 Mo ubuk ikherek fikhit it esa Efraim inangge bendera a'ma seberogo logalek werek mene inawi sabu wuti logolik, inogogwi ferinarek mene palek werek yiba hilingik higithogo wuti logogun menere yi: Inunggulenu Inogogwi kaindek mene Inebe wenagaisogo Efraim mene Elisama hun Amihud amlogo 40.500 nen Manasye mene Gamaliel hun Pedazur amlogo 32.200 nen Benyamin mene Abidan hun Gideoni amlogo 35.400 nen Inebe seberogo re: 108.100 nen It inunggulenu Efraim mene inom esa logalek mene andi re it Lewi inap andi inombo'ne laga logogun.

Inunggulenu Inogogwi kaindek mene Inebe wenagaisogo

^25-31 It utara fikhit he, esa it Dan mene inangge bendera a'ma seberogo logalek werek mene inawi sabu wuti logolik, inogogwi ferinarek mene palek werek yiba hilingik higithogo wuti logogun menere yi: Inunggulenu Inogogwi kaindek mene Inebe wenagaisogo Dan mene Ahiezer hun Amisyadai amlogo 62.700 nen Asyer mene Pagiel hun Okhran amlogo 41.500 nen Naftali mene Ahira hun Enan amlogo 53.400 nen Inebe seberogo re: 157.600 nen It inunggulenu Dan mene andi re esa logalek mondok fem wurep kobokhogo laga logogun.

Inunggulenu Inogogwi kaindek mene Inebe wenagaisogo

³² It afuni Israel mene esa lombok-lombok inenu palek welagaikhe mene re inebe 603.550 nen.

³³ At Tuhan nen Musa wene melalogo yagatikhe aple higithogo re it ap Lewi menere it afuni Israel mene fenakwe inom inenu palek welagaikhe lek.

³⁴ It afuni Israel mene nen he At Tuhan nen Musaba yagatikhe mene higithogo nek hilingiti lagaukwa. It inamu-inamu re inawi tenda wuri'mo inangge bendera hilingik higithogo kwe louwogeluk ogore, it inunggulenu werek higithogo ineisok erokwe higit-higit laga lagauk-wa.