1 TAWARIKH 6 - Allah Wene Fano Wene Hupla Inane

It inunggulenu Lewi mene nen tago mangge mene Imam Agung menlarik wagaukwa inap a'nogo

¹ Hun Lewi amlogomi inebe henagan taginafikhe mene inenu re, Gerson inom, Kehat inom, Marari inom welagaukwa.

² Nen at Kehat en he amlogomi ap inebe enggaminogo taginafikhe mene inenu re: Amram inom, Yizhar inom, Hebron inom, Uziel inom andem.

³ At Amram he amlogomi inebe pire taginafikhe, inenu re: Harun inom, Musa inom, nen hele misik ekhe enu Miriam inom andem. Nen Harun he, amlogomi inebe enggaminogo taginafikhe, inenu re: Nadab inom, Abihu inom, Eleazar inom, Itamar inom.

⁴ At Eleazar oba nen ta'larik wagaukwa mene wenagaisogo re yi'nogo yi: Pinehas, Abisua,

⁵ Buki, Uzi,

⁶ Zerahya, Merayot,

⁷ Amarya, Ahitub,

⁸ Zadok, Ahimaas,

⁹ Azarya, Yohanan,

¹⁰ At Azarya andi re (raja Salamo nen o Tuhan awi o Yerusalem wutikheba a'nogo obaget hilingiti lagaikhe agun.)

¹¹ Amarya, Ahitub,

¹² Zadok, Salum,

¹³ Hilkia, Azarya,

¹⁴ Seraya, Yozadak inom andoma.

¹⁵ At Yozadak andi re Tuhan nen hun Nebukadnezar ebene nen it afuni Yehuda mene inom, Yerusalem mene inom, o kweang amu meneba hugisa loageluk woginarek lagunem a'nogo inom lagaukwa agun.

Ap Lewi ambisangma mene it ekhe fena a'nogo

¹⁶ At Lewi nen he amlogomi inebe henagan taginafikhe mene inenu re: Gerson inom, Kehat inom, Merari inom andem.

¹⁷ It inebe lombok he inagainafuri taginarek welagaukwa. At Gerson amlogomi re, Libni inom, Simei inom andem.

¹⁸ At Kehat amlogomi re, Amram inom, Yizhar inom, Hebron inom, Uziel inom andem.

¹⁹ Merari amlogomi re, Mahli inom, Musi inom andem.

²⁰ At Gerson oba nen ta'larik wagaukwa mene re yi'nogo: Libni, Yahat, Zima,

²¹ Yoah, Ido, Zerah, Yeatrai, inom andem.

²² At Kehat oba nen ta'larik wagaukwa mene re yi'nogo: Aminadab, Korah, Asir,

²³ Elkana, Ebyasaf, Asir,

²⁴ Tahat, Uriel, Uzia, Saul, inom andem.

²⁵ At Elkana re amlogomi inebe pire welagaukwa mene inenu re: Amasai inom, Ahimot inom.

²⁶ At Ahimot oba nen ta'larik wagaukwa mene re: Elkana, Zofai, Nahat,

²⁷ Eliab, Yeroham, Elkana inom andem.

²⁸ At Samuel he amlogomi inebe pire taginafikhe, manggusa mene re Yoel, elabo mene re Abia.

²⁹ At Merari oba nen ta'larik wagaukwa mene inenu re: Mahli inom, Libni inom, Simei inom, Uza inom,

³⁰ Simea, Hagia, Asaya inom andem.

Tuhan awi wuri'mo pinggong wati lagaukwa mene a'nogo

³¹ Allah nen wene warogo wogisasikhemo peti ba wurogo welagaikhe mene a'nogo waganogo o Tuhan fogerasuogeluk kabogeti lagaukwaba o Yerusalem a'nogo fei lagaukwa sambul he, at raja Daud en he ap Tuhan Awi wuri'mo wuni faget afe halhi logolik welagaukwa inap a'nogo wenagaisogo fisasikhe.

³² At raja Salomo nen o Tuhan awi andi o oan wuti'lek logolik he it a'nogo Tuhan awi sabu salek oba omanogo it ekhe yaga wela'luk wulifu kwelek it ekhe yaga kwigik hilingiti lagaukwa.

³³ Ap yabu andi hilingiti logouwageluk fisasukwama hilingitu mondok welagaukwa mene re yi'nogo yi: It Kehat inaben he: Heman hun Yoel amlogo a'nogo. Nen, aren he it wuni watu inap esa attak mene andi yanggulinafi lagaikhe. At ta'lagaikhe huli nen ombo'ne ta'larik lagaukwa mene faget a'ma fikhiren liabek he yi'nogo: Heman, Yoel, Samuel,

³⁴ Elkana, Yeroham, Eliel, Toah,

³⁵ Zuf, Elkana, Mahat, Amasai,

³⁶ Elkana, Yoel, Azarya, Zefanya,

³⁷ Tahat, Asir, Ebyasaf, Korah,

³⁸ Yizhar, Kehat, Lewi, Yakub huliba andi.

³⁹ At hun Asaf andi re ap wuni watarek mene esa pirenek mene a'nogo inoe yanggulinafi lagaikhe agun. At ta'lagaikhe huli nen ta'larik wagaukwa mene a'ma kwe fikhiren ambolkwe taginabik lagaukwa a'nogo re yi'nogo: Asaf, Berekhya, Simea,

⁴⁰ Mikhael, Baaseya, Malkia,

⁴¹ Etai, Zerah, Adaya,

⁴² Etan, Zima, Simei,

⁴³ Yahat, Gerson, Lewi.

⁴⁴ Hun Etan andi re ap wuni watu mene esa henaganek mene a'nogo inoe melalinafi lagaikhe agun. Nen, at ebe re hun Merari a'nogo ambisangma mene. At ta'lagaikhe huli nen ta'larik lagaukwa mene a'nogo a'ma fikhiren ambol kwe taginabik lagaukwa mene a'nogo hun Lewi huli ta'lagaukwa mene re yi'nogo: Etan, Kisi, Abdi, Malukh,

⁴⁵ Hasabya, Amazia, Hilkia,

⁴⁶ Amzi, Bani, Semer,

⁴⁷ Mahli, Musi, Merari, Lewi inom andem.

⁴⁸ O wene kabogetuba elonggoma yabu amu mene fenakwe omanogo re it inagaila'lak fenakwe Lewi inap omanogo hilingiti logouwageluk wogisasukwa.

Harun ambisangma mene a'nogo

⁴⁹ Allah amingmingengge Musa a'nogo nen wene yi'nogo hilingi'no, ti'nogo hilingi'no iluk melalogo yagatikhe higithogo, at Harun inom aren tagomangge mene inomen he amben fano mene dupa nolhik, wam warogo nolhuba mezbah omanogoba warogo nolhik, o Allah Awi wuri'mo Senggelek Mondok Hore'ma omanogo nen yi mene ti mene hilingitik, it afuni Israel mene inaweak horogo iluk wam warogo nolhik, a'nogo mondok hilingiti lagaukwa.

⁵⁰ At Harun ambisangma nen ta'larik lagaukwa mene re yi: Eleazar, Pinehas, Abisua,

⁵¹ Buki, Uzi, Zerahya,

⁵² Merayot, Amarya, Ahitub,

⁵³ Zadok inom Ahimas inom andem.

Afuni Lewi mene inawi welagaukwa kwe a'nogo

⁵⁴ Hun Harun ambisangma mene Kehat inap a'nogo wogisasikhemo welagaukwa kwe re yi. It ap Lewi inap faget kweang attak mene tegelogo fikhi lagaukwa mene a'nogo helasukwa mene yi'nogo:

⁵⁵ It inanggweang he o wilayah Yehuda ba nen o kota Hebron inom engga lei kwe maserogo andoma inom, helasukwa.

⁵⁶ Oba nen he, yabu kwe inom, o kota era'lu kwe o sili endep-endebengge inom, andoma re hun Yefune amlogo Kaleb a'nogo wogetukwa.

^57-59 At Harun ambisangma menere o Hebron andi re iren ap ferekhogo pinggi watfuluk laguba faget wesarogo tegelogo hilingik welagaikhekwe, o Yatir inom, o sili fenakwe inom, engga leikwe inom helasukwa mene re yi: o Libna sili inom, Estemoa inom, Hilen inom, Debir inom, Asan inom, Bet-Semes inom, andoma helasukwa.

⁶⁰ Nen, o wilayah it inunggul enu Benyamin meneba nen o sili inom engga leikwe wulibik mene inom it helasukwa menere a'ma kwe yi: o Geba inom, Alemet inom, Anatot inom, o sili ebe mondogat lambulogo re 13 nen it ineisok erokwe mene were'ma iluk welagaikhe.

⁶¹ Nen, inunggulenu sampung Manasye mene were'ma i Yordan fena mo ubuk ikherek fikhit andoma o sili nomolo nen welagaikhe mene omanogo re inenggi walhaluk he, at Kehat eisok erokwe mene kweang helasukwa lek mene omanogo wogisasukwa.

⁶² At Gerson eisok erokwe mene re o sili 13 nen o wilayah it inunggulenu Isakhar mene inom, Asyer mene inom, Naftali mene inom, nen it inunggulenu Manasye mene o Basan i Yordan fena mo lagai wagarek fikhit mene omanogo inom, helasukwa.

⁶³ Nen inenggi walhogoat he, at Merari eisok erokwe mene ogo re, o wilayah it inunggulenu Ruben inom, Gad inom, Zebulon inom, nen mene omanogo o sili 12 nen helasukwa.

⁶⁴ It afuni inunggulenu Israel mene nen it ap Lewi inap inoba o sili inom engga o leikwe omanogo inom, a'nogo sumburogo wogisasukwa andi.

⁶⁵ O wilayah it inunggulenu Yehuda mene inom, Simeon mene inom, Benyamin mene inom, oba nen wogisasukwa mene andem ogo re inenggi walhogo nek sumburogo wogisasukwa.

⁶⁶ O wilayah it inunggulenu Efraim mene welagaukwaba andoma, nen o sili inom, engga o leikwe inom, o maserogo were'ma andoma inom, it inunggulenu Kehat helasukwa kwe re yi:

⁶⁷ O Sikhem kota inagap telagarek oba wesama iluk fesukwa menere o wilayah andiba tomkwe andoma re, o Gezer inom,

⁶⁸ Yokmeam inom, Bet-Horon inom

⁶⁹ Ayalon inom, Gat-Rimon inom andem.

⁷⁰ Nen, o wilayah it inunggulenu Manasye mene i Yordan fena mo ubuk ikherek fikhit a'nogo nen he it o Anet sili inom, o Bileam engga lei maserogo werek mene andoma inom helasukwa.

⁷¹ Nen, At Gerson eisok erokwe mene nen o sili inom, engga o leikwe maserogo andoma inom, helasukwa mene re a'ma kwe yi: O wilayah inunggulenu Manasye meneba nen i Yordan fena mo lagai wagarek fikhit omanogo nen helasukwa kwe re yi: o Basan oba nen Golan inom, Asytarot inom helasukwa.

⁷² O wilayah it inunggulenu Isakhar meneba nen he: Kedes inom, Daberat inom,

⁷³ Ramot inom, Anem inom.

⁷⁴ O wilayah it inunggulenu Asyer meneba nen he: Masal inom, Abdon inom,

⁷⁵ Hukok inom, Rehob inom,

⁷⁶ O wilayah it inunggulenu Naftali meneba nen he: o Galilea nen o Kedes a'nogo inom, Hamon inom, Kiryataim inom, andoma helasukwa.

⁷⁷ Merari nen tagongge kweang heligik lek mene iren o sili inom, engga leikwe o maserogo werek mene inom, helasukwa mene a'nogo yi: O wilayah it inunggulenu Zebulon mene nen he: Rimono inom, Tabor inom.

⁷⁸ O wilayah it inunggul enu Ruben meneba nen he I Yordan fena mo wulibi wagarek fikhit a'nogo nen o Yerikho horokhogo omanogo nen he: o Bezer legokwe andoma inom, Yahas inom,

⁷⁹ Kedemot inom, Mefaat inom andem.

⁸⁰ O wilayah it inunggulenu Gat meneba nen he: o Gilead en Ramot a'nogo inom, Mahanaim inom,

⁸¹ Hesybon inom, Yaezer inom andem helasukwa.