1 TAWARIKH 3 - Allah Wene Fano Wene Hupla Inane

At raja Daud againafuri a'nogo

^1-3 At Daud amlogomi o Hebron nen ta'lagaukwa mene inebe ta'lagaukwa higit-higit he yi: Amnon – Agaisa enure he Ahinoam awi Yizreel mene a'nogo Daniel – Agaisa enure Abigail o Karmel mene a'nogo Absalom – Agaisa enure Maakha hun Talmai awi Gesur agun a'nogo a'logo. Adonia – Agaisa enu re Hagit. Sefaca – Agaisa enu re he Abital, nen Yitream – Agaisa enu re he Egla, andoma nen taginafukwa.

⁴ At Daud amlogomi inebe falfaligen andem he o Hebron at Daud ebe raja logolik tahun sabiren ekhe minggilogo inomat melalinafi logolik oba andem taginafikhe mene. Nen, at Daud o Yerusalem andoma melalinafu werek kwelek enek he 33 tahun hilingitikhe andi nen he,

⁵ againafuri hokhorogo ta'lagaukwa. Nen at agwe Batsyeba hun Amiel a'logo a'nogo nen he, Daud amlogomi inebe enggaminogo o Yerusalem en ta'ginafikhe mene inenu re: Simea inom, Sobab inom, Natan inom, Salomo inom.

⁶ At againafuri inebe fena sogo nen welagaukwa mene inenu re: Yibhar, Elisua, Elifelet,

⁷ Nogah, Nefeg, Yafia,

⁸ Elisama, Elyada inom, Elifelet inom andem.

⁹ It andem werek kwelek he, at Daud agagwi inamingmingengge mene agagwiap erasikhe mene omanogo nen taginafukwa mene ogo welagaukwaat. Nen at a'logo ekhe welagaikhe mene re enu Tamar.

At raja Salomo ambisangma mene a'nogo

^10-14 It afuni Israel mene inogogwi raja mendek welagaukwa mene at raja Salomo oba nen pikhit hun Yosia huli welagaukwa mene re yi: Salomo, Rehabeam, Abiam, Asa, Yosafat, Yehoram, Ahazia, Yoas, Amazia, Uzia, Yotam, Ahas, Hizkia, Manasye, Amon, Yosia inom andoma.

¹⁵ At Yosia againafuri inebe enggaminogo welagaukwa mene inenu re: Yohanan inom, Yoyakim inom, Zedekia inom, Yoahas inom.

¹⁶ Yoyakim he againafuri inebe pire welagaukwa mene inenu re: Yoyakhin inom he Zedekia inom andem. raja Yoyakim ambisangma mene a'nogo.

¹⁷ At Raja Yoyakim ap Babel inaben hele wa'luk lagaukwa mene a'nogo ambisangmangge nen tagonggere yi. At againafuri inebe sabiren welagaukwa mene inenu re: Sealtiel,

¹⁸ Malkiram, Pedaya, Syenazer, Yekamya, Hosama, Nedabya inom andem.

¹⁹ At Penaya re againafuri inebe pire mene welagaukwa mene inenu re, Zerubabel inom he Simei inom andem. At Zerubabel he amlogomi inebe pire welagaukwa mene inenu re, Mesulam inom he Hananya inom nen at a'logo enure Selomit andi.

²⁰ At againafuri inebe fenakwe fuaben welagaukwa mene inenu re: Hasuba inom, Ohel inom, Bereknya inom, Hasaja inom, Yusab-Hesed inom andem.

²¹ Hananya re amlogomi inebe pire welagaukwa mene inenu re: Pelaca inom he, Yesaya inom andem. At Yesaya andi re hun Refaya eisena, nen, Refaya re Arnan eisena, nen Arnan he Obaja eisena, nen Obaja re Sekhanya eisena.

²² At hun Sekhanya andi amlogo misik ekhe enu re Semaya welagaikhe. Nen, at Semaya andi re amlogomi inebe fuaben welagaukwa mene inenu re, Hatus inom, Yigal inom, Bariah inom, Nearya inom, Safat inom, andem welagaukwa.

²³ At Nearya andi againafuri re inebe henagan welagaukwa, inenu re: Hizkia inom, Azrikam inom,

²⁴ Elyoenai inom andi nen he againafuri ap inebe sabiren taginarek welagaikhe mene inenu re, Hodaya inom, Elyasib inom, Pelaya inom, Akub inom, Yohanan inom, Delaya inom, Anani inom andem.