1 TAWARIKH 25 - Allah Wene Fano Wene Hupla Inane

Tuhan Awi wuri'mo omanogo pinggong wati lagaukwa inap omanogo

¹ Afuni nen Tuhan obaget hilingisuogeluk wene kabogeti logolik melalinafu mene faget he, at raja Daud a'nogo inom, it Lewi inap inomen he it inunggulenu Lewi inap a'nogo mene nek penogo fisasukwa mene re yi: Asaf, Heman, Yedutun inom it andi penogo fisasukwa. It andi re Allah nen ugu mene a'nogo afuni yagaisikhi logolik wuni wulakfuluk inambinggong kecapi, gambus, simbal inom andoma wati logolik yagaisikhi lagaukwa. It wene Tuhan faget kabogetu sambul a'nogo kabogetu aple lombok melalinafu mene faget wenagaisogo kaboget fisilik lagaukwa mene re yi:

² Hun Hasaf amlogomi inebe enggaminogo aremnogo inenu re yi: Zakur inom, Yusuf inom, Netanya inom, Asarela inom andem. It andi re Allah nen ugu mene a'nogo waluk, at raja nen hilingi'ni iluk fisuguba yagaisikhi logouwageluk welagaukwa, nen it melalinafi lagaikhe mene re Asaf andi.

³ Hun Yedutun amlogomi inebe falfaligen andem inenure: Gedalya inom, Zeri inom, Yesaya inom, Simei inom, Hasabya inom, Matica inom andem. It ineisena nen melalinafunem a'ma logolik he, iren he Allah nen ugu mene a'nogo waluk, inambinggong kecapi kong eti logolik, wuni Allah fogeratarek awuni igik, hai watu awuni igik hilingiti logolik yagaisikhi lagaukwa.

⁴ Hun Heman amlogomi re inebe 14 nen welagaukwa mene inenu re: Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir, Mahaziot inom andem.

⁵ At Heman andi re Allah nen ane ugu mene a'nogo waluk at raja yagati logouwageluk, at raja onggwarek faget mene welagaikhe. Tuhan nen he at Heman amlogomi inebe 14 nen inom nen a'logomi inebe henagan inom wogetikhe andi re, At Tuhan nen wene abok yagati logolik, ”Hat heabu lego mene hilingiti logogin nen hut hobagagin, ”iluk wene waretikhemo a'luk he yabu andi mene wogetikhe.

⁶ Hun Heman againafuri inebe mondogat andi re iren pinggong enu simbal, kecapi, gambus inom, andoma it ineisena nen melalinafu kwelek, Tuhan Awi wuri'mo omanogo Tuhan faget wene kabogetunem wati lagaukwa. It Asaf inom, Yeturun inom, Heman inom, andem he at raja nen ikhi logolik, ”It yabu yi'nogo hilingiti logogun,” iluk ugu mene omanogo higithogo nek hilingiti lagaukwa.

⁷ It inagainafuri inebe 24 en andem inom, it inagaila'lak inebe fenakwe inom, andi re pinggong watu mene faget mondok milil-melalsek welagaukwa inap. It ap inebe lambulogo re 288 nen mene welagaukwa andi.

⁸ Iren yabu hilingisuogeluk logolik, sani tak kugun, nen sani hobuk kugun iluk he inenggi walhiki lagaukwa andi re it alage mene faget inom, it ap yaman mene faget inom, it attak hilingiti lagaukwa inap inelu mene inom, ket yanggulhi lagaukwa mene faget inom, a'nogo hilingiti lagaukwa.

^9-31 It ap inebe 288 nen a'nogo re, it ineisok erokwe werek mene ebe lombok he, henawi 24 en tendelogo welagaukwa. Tendelek mene hundomok he ap inebe 12 nen higik hilingi'mo re ap misik ekhe nen melalinafi lagaikhe. It andi inenggi walhugunemen hilinglagaikhe mene higithogo inenu palek mene re yi: 1. Yusuf hun Asaf eisok erokwe mene a'nogo. 13. Subael 2. Gedalya 14. Matica 3. Zakur 15. Yeremot 4. Yizri 16. Hananya 5. Netanya 17. Yosbekasa 6. Bukia 18. Hanani 7. Yesarela 19. Malati 8. Yesaya 20. Eliata 9. Matanya 21. Hotir 10. Simei 22. Gidalti 11. Azareel 23. Mahaziot 12. Hasabya 24. Romamti-Ezer.