1 TAWARIKH 2 - Allah Wene Fano Wene Hupla Inane

Hun Yakub amlogo Yehuda a'nogo ambisangma nen tagomangge mene a'nogo yi

¹ Ap Yakub amlogomi inebe nesanggo nen welagaukwa mene inenu re: Ruben, Simeon, Lewi, Yehuda, Isakhar, Zebulon,

² Dan, Yusuf, Benyamin, Naftali, Gad, Asyer inom taginafikhe.

^3-4 At Yehuda againafuri inebe fuaben welagaukwa. Agwe enu Batsyua o Kanaan he andi nen he, Er inom, Onan inom, Sela inom, taginafikhe. Nen, agwe ekhe enu Tamar at onggwarek eamalhe a'nogo nen he Peres inom, Zerah inom, taginafikhe. At amlogo manggusa mene Er andi re obabut mondok weak en he Tuhan en ebe pinggi watikhe.

⁵ Peres againafuri re inebe pire taginafikhe, inenu re Hezron inom, Hamul inom.

⁶ At Zerah nen he againafuri inebe fuaben taginafikhe, inenu re Zimri inom, Etan inom, Heman inom, Kalkol inom, Dara inom, taginafikhe.

⁷ Hun Karmi amlogo abo Ahar hun Zerah ambisangma mene nen ta'lagaikhe mene andi nen he, it weim yabi lagaukwasik yi mene ti mene telhukwa mene Allah faget iluk wendeberogo fesukwa mene omanogo wanhikhemo, it afuni Israel mene inoba enggin-fenggin hilingisogo fisasikhe.

⁸ At Etan amlogo re Azarya.

Hun Daud eisena Isai a'nogoba nen ta'larik wagaukwa mene a'nogo re yi

⁹ At Hezron he againafuri inebe henagan welagaukwa, inenu re Yerahmeel inom, Ram inom, Kaleb inom.

¹⁰ At Ram huli nen hun Isai huli ta'larik wagaukwa mene re yi: Ram Aminadab Nahason (it Yehuda mene inoe ap hokho mene andi)

¹¹ Salmon Boas

¹² Obed Isai.

¹³ At hun Isai againafuri re inebe sabiren welagaukwa. It inebe ta'larik wagaukwa higithogo umur higit-higit he yi: manggusa mene re Eliab, ombo'ne re Abinadab, ombo'ne Simia,

¹⁴ ombo'ne Netaneel, ombo'ne Radai,

¹⁵ ombo'ne Ozem, ombo'ne Daud taginafikhe,

¹⁶ at Isai ogo re a'logomi inebe pire mene welagaukwa inenu re hele Zeruya inom, Abigail inom. At Zeruya re againafuri inebe henagan welagaukwa: Abisai inom, Yoab inom Asael inom.

¹⁷ He Abigail he agun Yeter Ismael ambisangma mene andi helasikhesik he, it inomalik abengge we misik takhasukwa mene enu re Amasa andi.

Hezron ambisangmangge mene a'nogo

¹⁸ Hun Kaleb Hezron amlogo a'nogo re he Azuba helasikhesik he eak hele mene ekhe enu re Yeriot takhasikhe. At Yeriot andi nen againafuri inebe henagan taginafikhe. Inenu re Yesyer inom, Sobab inom, Ardon inom.

¹⁹ At he Azuba a'nogo wa'lagaikhemo re, at Kaleb agwe Efrat helasikhesik omalik takhasikhe mene enu re Hur andi.

²⁰ At Hur amlogo enu re Uri nen omba re enu Bezaleel.

²¹ At Hezron a'nogo ebe umur 60 tahun oba re abo Gilead erei hun Makhir a'logo a'nogo helasikhe. Helasikhesik he inomalik abengge misik enu re Segub tathukwa.

²² Nen, at Segub andi nen he, amlogo misik ekhe enu re Yair, at andi re o wilayah Gilead oba andoma o sili 23 mene inobaget welagaikhe.

²³ Oba nen he, iren raja Gesur mene inom Aram mene inomen he o sili it wilayah andoma fikhit werek mene omanogo seberogo 60 nen telogo sebelasikhe. Andi re it Yair inap inawi sili omanogo inom, it Kenat inap inawi omanogo inom o sili endepkwe welagaukwa mene omanogo inom mondogat sebelasikhe. Afuni mondogat andoma re at hun Gilead amlogo Makhir a'nogo ambisangmangge welagaukwa.

²⁴ At Hezron a'nogo ebe wa'lagaikhemo re, ap Kaleb a'nogo nen he eisena agwe sogwe enu Efrat a'nogo helasikhe. It inomalik takhasukwa mene enu re Asyur. At andi nen o kota Tekoa a'nogo wutikhe.

At Yerahmeel ambisangma mene a'nogo

²⁵ Hun Hezron amlogo manggusa mene Yerahmeel a'nogo nen he againafuri inebe fuaben welagaukwa, nen at manggusa mene re enu Ram, ombo'ne re Buna, ombo'ne Oren ombo'ne Ozem, ombo'ne Ahia inom andem taginafikhe.

^26-27 At Ram he againafuri inebe henagan taginafikhe mene inenu re, Maas inom, Yamin inom, Eker inom andem. At Yerahmeel he agwe ekhe amu mene enu re Atara. At he andi inom inomalik abengge takhasukwa mene enu re Onam.

²⁸ At Onam andi againafuri inebe pire, inenu re Samai inom Yada inom welagaukwa. At Samai nen ogo re. Againafuri inebe pire taginafikhe, inenu re Nadab inom, Abisur inom.

²⁹ At Abisur en he, agwe Abihail helasikhesik he inomalik ap inebe pire taginafukwa, inenu re Ahban inom Molid inom.

³⁰ Nadab Abisur agwe a'nogo amlogomi inebe pire taginafikhe, ekhe enu re Seled, ekhe re Apaim, oba nen he at Seled he amlogo ekhe takhigi'lek ebe wa'lagaikhe.

³¹ Apaim andi re Yisei eisena, nen Yisei andi re Sesan eisena, Sesan eisena re Ahlai.

³² Yada at Samai are a'nogo re amlogomi inebe pire taginafikhe, inenu re Yeter inom Yonatan inom. Oba nen at Yeter he amlogo ekhe tati'lek ebe wa'lagaikhe.

³³ Yonatan nen he amlogomi inebe pire taginafikhe, inenu re Pelet inom Zaza inom. It mondogat andi re hun Yerahmeel a'nogo ambisangma mene ta'lagaukwa.

³⁴ At Sesan he amlogomi ekhe welagaukwa lek, we helime nek welagaukwa. At amingmingengge o Mesir mene ekhe enu re Yarha a'nogoba re,

³⁵ at a'logo ekhe wogetikhe. Wogetikhemo re it inomalik abengge ekhe takhasukwa mene enu Atai andi.

^36-41 At Atai andiba nen ta'larik-ta'larik huli hun Elisama ba ta'lagaukwa mene re yi: Atai Natan Zabad Eflal Obed Yehu Azarya Heles Elasa Sismai Salum Yekamnya Elisama.

Hun Kaleb ambisangma nen ta'larik wagaukwa mene a'nogo

⁴² Hun Kaleb Yerahmeel agailak a'nogo amlogo misik ekhe welagaikhe mene enu re, Mesa. At andi re amlogo manggusa mene. At Zif eisena re Mesa, nen Zif he Maresa eisena, nen Hebron eisena re Maresa.

⁴³ At Hebron he againafuri inebe enggaminogo welagaukwa mene inenu re Korah inom, Tapuah inom, Rekem inom, Sema inom andem.

⁴⁴ Hun Sema andi re Raham eisena. Nen, Rema omba re enu Yorkeam. At Rekem Sema oe andi re hun Samai eisena.

⁴⁵ Nen, Samai re Maon eisena, nen Maon he Bet-Zur eisena.

⁴⁶ At Kaleb a'nogo re agwe amingmingengge mene agweap erasikhe mene enu re Efa. Iren he, inagainafuri abengge henagan taginafukwa mene inenu re, Haran inom, Moza inom, Gazes inom. At Haran ogo re amlogo enu Gazes welagaikhe.

⁴⁷ (Ap misik ekhe enu Yohdai andi againafuri inebe falfaligen welagaukwa mene inenu re, Regem inom, Yotam inom, Gesan inom, Pelet inom, Efa inom, Saaf inom, andem.)

⁴⁸ Hun Kaleb en he amingmingenggeba nen agweap erasikhe mene agwe ekhe he enu Maakha. He andi inomen he inomalik abengge inebe pire taginafukwa mene, inenu re, Seber inom, Tirhana inom.

⁴⁹ Andi nen it andemen inomalik abengge ekhe inebe pireat taginafukwa mene inenu re, Saaf inom, Sewa inom. Hun Saaf andi re o kota Madmana wutikhe agun, nen hun Sewa andi re o kota Makhbena inom Gibea inom wutikhe agun. At Kaleb andi re a'logo misik ekhe welagaikhe mene enu re Akhsa andi.

⁵⁰ Ekhe yi ogo re, at Kaleb ambisangma meneat: Kaleb amlogo manggusa mene re Hur, nen agwe enu re Efrat. Hun Hur amlogo re Syobal. Hun Syobal andi re o kota Kiryat-Yearim wutikhe agun.

⁵¹ Amlogo pirenek mene re Salma o kota Betlehem wutikhe agun a'nogo, nen, amlogo henaganek mene re enu Haref o kota Bet-Gader wutikhe agun.

⁵² O kota Kiryat-Yearim wutikhe agun he inomba re hun Syobal andi. Hun andi re it afuni o Haroe inom, o Menuhot inap minggilogo inom,

⁵³ it afuni o Kiryat-Yearim welagaukwa mene omanogo inenu Yetri inap inom, Puti inap inom, Sumati inap inom, Misrai inap inom, inomba welagaikhe. (It afuni o kota Zora inom Esytaol inom andoma re it inenu andoma mene)

⁵⁴ Hun Salma o kota Betlehem wutikhe agun andi re it afuni Netofa inap Atarot-Bet-Yoab inap Zori inap, andi re it inenu Manathi welagaukwa mene andi nen misik ekhe mene, andoma inomba welagaikhe.

⁵⁵ It inenu Tirati mene inom, Simati mene inom, Sukhati mene inom, o kota Yabes a'nogo ba welagaukwa inap andoma re, lisu palhu mene faget inom, surat esin mene palhu mene faget inom mondok inelu-pinelu inap welagaukwa. It andi re, ap Keni inaben it Rekhap inap inom woginafukwasik welagaukwa mene omanogo.