Jonasi 4 - Mazu Otchena a Mulungu

Takaleliwa wa Jonasi zela tangaranga da Mulugu

¹ Mbwenye Jonasi agaonne levelela wa Mulugu, liye kaziveliwile. Ohotakaleliwa valukulu mmirimani mwaye.

² Oholobelaga wa Yehova eraga: <<So Yehova, mazu dawongile miyo dagali ilambo ya wanihu kahi anna? Mwasiwa gwenno dafuna miyo jotawela ilambo ya Tarisi. Tchoira miyo dohoiziwa ira nyo muli Mulugu wa sayi eto muli wa tangaranga eto muli odibeliwa takaleliwa eto muhukana zivela ororomeleya eto muli Mulugu olevelela jabure jafuna nyo irana.

³ Yehova miyo so nnavepa ira peno eva mudiwake ingumi yaga. Tchoira para miyo yapama ku kwa hiyaniha no kalawo.>>

⁴ Evale Yehova ohowonga eraga: <<Kodi evo weyo ukana mwasa oira utakaleliwe?>>

⁵ Evale Jonasi ohokumaga musidadi mule, liye dowa makumelo wa nzuwa wa sidadile, liye manga mwana ntadamela eni, liye garati vati viwa vale vanfulrini, aing'anaga ira aone makalelo bavi yafuna gomela sidadile.

⁶ Evale Yehova Mulugu ohosakanya ira ize yomela eni, ikale nfulri vamuruni va Jonasi ira avume goyi danna liye. Nomala eno, Jonasi oziveliwa valukulu na mwasa wa nfulri wa yomela ile.

⁷ Mbwenye mmetcheloni muwa na mabebehene Mulugu ohoruma mwanamungu, liye za gwada yomela ile, aliwa vayela umma.

⁸ Nzuwa nagagwenle, Mulugu ohoruma nipevo nokaha nokumela makumelo wa nzuwa, aliwa za roma tumeya muru wa Jonasi, liye fiyeda hala vang'ono ira ahileye. Noira eno, Jonasi ohovilobelelaga eka ira akwe, liye ira: <<Yapama para miyo ku kwa hiyaniha no kalawo.>>

⁹ Evale Mulugu ohowonga na Jonasi eraga: <<Kodi vevo vihikala mwasa ofuna weyo takaleliwa na mwasa wa yomela iyo?>> Evale Jonasi ohowakula eraga: <<He, va vikala mwasa ofwanela ira ditakaleliwe ante miyo funaga ira dikwe.>>

¹⁰ Evale Yehova ohowonga eraga: <<Weyo uhukana tangaranga na yomela yenno yahazanle we eto yahaulukulihile we, yenno izile siku nimohive na mahiyu eto iummile mahiyu oharela.

¹¹ Kodi tchali pama miyo kana tangaranga na sidadi ilukulu ya Ninive wewo unafwanyeya atu kwaranya 120.000 kahanawanda hiyanihavo ndanda nodjana na ndanda noromana vamohi na wewo unafwanyeya jifuwo jidjindji?>> Kukala mazu a livuru na Jonasi.