Jenesesi 10 - Mazu Otchena a Mulungu

Muselu wa ana Nowe

¹ Ula gu muselu wa anapongwe araru a mulombwana Nowe anno anafwanyeya kagali Semi, Kami na Jafeti. Tempu ya mahindje madjindji yagavirile ana Nowe ale kohabala ahimiwa.

Ahima a mulombwana Jafeti

² Mulombwana Jafeti aabanle anapongwe ala: Gomeri, Magogi, Madayi, Javani, Tubali, Mexeki na Tirasi.

³ Gomeri aabanle anapongwe ala: Asekenazi, Rifati na Togarima.

⁴ Mulombwana Javani aabanle anapongwe ala: Elixa, Tarisi, Kitimi na Dodanimu.

⁵ Atu atene anna kakumile mwa mulombwana Jafeti. Aliwa kohomwadeyela vilambo nnafwanyeya wandamelana bara eto kohokana iwongelo yewa na maziza ewa na ilambo yewa yakala atu.

Ahima a mulombwana Kami

⁶ Mulombwana Kami aabanle anapongwe ala: Kuxi, Ijipitu, Pute na Kana.

⁷ Mulombwana Kuxi aabanle anapongwe ala: Seba, Havila, Sabita, Rama na Sabiteka. Rama aabanle anapongwe ala: Saba na Dedani.

⁸ Kuxi eto ohombala mwana mmohiwa aitaniwa Nimirode wenno ali mutu oroma okana kopolo dotonga mwilamboni ya vati.

⁹ Eto Nimirode ali namasaya mundimuwa okamihediwa na Yehova. Nona iwongiwagave ante peno ira: <<Nnga mulombwana Nimirode, namasaya mundimuwa wenno akamihediwa na Yehova.>>

¹⁰ Liye aromaga wene umwene waye, atongetcha sidadi da Babeli, Ereki, Akade na Kaline. Sidadi dedo dafwanyeya mwilamboni mwa Sinari.

^11-12 Agakumile ilambo yenne, ohodowa roma tonga ilambo ya Asiriya. Atongaga wewule, ohomangawo sidadi ya Ninive, Rehoboti-Iri, Kala na Reseni. Sidadi ya Reseni tchi sidadi indimuwa inafwanyeya wu Ninive, wu sidadi ya Kala, vari viwa.

¹³ Mulombwana Ijipitu gu nikolo na akuda Ludi, aAnami, aLeyabimi, aNafetumi,

¹⁴ akuda Paturusimi, aKafitori, na aKasuluwimi anno kaabanle aFilistewu.

¹⁵ Mulombwana Kana aabanle anapongwe ambinli. Oroma gu Sidoni, ogomiheda gu Eti.

¹⁶ Muwari mwa mulombwana Kana puzile baliwa akuda Jebuzi, aAmore, aJirigazi;

¹⁷ aEvi, aArika, aSine;

¹⁸ aArivada, aZemare na aAmate. Vasogolro viwa mahimo a ana Kana ala kohomwadeya.

¹⁹ Ilambo yakala akuda Kana madilriwa karomile ilambo ya Sidoni, dowaga pandi da Jerari ante Gaza, dowaga pandi ya Sodoma na Gomora, Adima na Zeboyimi fiyeda Laza.

²⁰ Kukala anapongwe a mulombwana Kami. Aliwa kohogaweya aliwa kana malogwiwa na viwongelo diwa na vilambo diwa na tatamo yakala atu.

Ahima a mulombwana Semi

²¹ Mulombwana Semi, wenno unafwanyeya agali Jafeti mbalaye wa mulukuluwa, na liyene ohabala ahima aye. Liye ali nikolo na aEberewu atene.

²² Mulombwana Semi aabanle anapongwe ala: Elamu, Asuri, Arifaxade, Ludi na Arani.

²³ Mulombwana Arani aabanle anapongwe ala: Uzi, Huli, Jeteri na Maasi.

²⁴ Mulombwana Arifaxade ohombala Sela eto Sela ohombala Eberi.

²⁵ Eberi aabanle anapongwe ambinli. Mwana mmohi ali Pelegi [ku wonga gaweya]. Avahiwe nzina nenne mwasiwa tempu yenne ilambo ya vati yohogaweya. Mwana mmohiwa aitaniwa Jotani.

²⁶ Jotani ohombala Alumoda, Selefi, Hazarimave, Jera,

²⁷ Hadorawu, Uzali, Dikela,

²⁸ Obali, Abimayeli, Saba,

²⁹ Ofiri, Havila na Jobabe. Atene anna kali anapongwe mulombwana Jotani aabanle liye.

³⁰ Aliwa kakala ilambo ya Mesa fiyeda Sefari, ilambo ya mwango didjindji pandi ya makumelo wa nzuwa.

³¹ Kukala ahima a anapongwe a mulombwana Semi nnga mwakalele atu. Kohokana malogo ewa, viwongelo diwa, vilambo diwa, na pandi yewa yakala atu.

³² Atene anna ba malogo a ahima a mulombwana Nowe nnga mwakalele atu, na vilambo dewa. Mwa atu anna pukumile malogo matene a ilambo ya vati romela tempu yavirile mahindje madjindji.