Maako 1 - Izwi lya Leza

Kukambauka kwa Johani Mupapatizhi

¹ Aza ngu makancilo a Makani Mabotu aamba sha Jeso Kilisito Mwana Leza.

² Akakanka umbona mbwaakalemba mushinshimi Aizaya: Leza wakaamba ati, “Ndakatuma mutumwa wangu kumbele kwako, akakubambile inzhila.”

³ Kuli u wambilizha mulukula ati, “Amubambe inzhila ya Mwami Leza! Amululamike inzhila yakwe isuumane!”

⁴ Ubobo Johani Mupapatizhi wakalibonya mulukula kapapatiza bantu u kukambauka ati, “Amusanduke kunzhila shenu imbiyabi, mupapatizwe kwaamba Leza amulecelele shibi shenu.”

⁵ Inzho bantu banji banji ba mucishi ca Judiya umumunzhi wa Jelusalemu, bakaya kuteelela nshaakaakukambauka Johani. Nibakalilekelela shibi shabo, wakabapapatiza mu lweenje lwa Joodani.

⁶ Wezu Johani Mupapatizhi kasama cisani cakaakulucilwe u boza bwa nkamela, ulutambo lwa cikanda mucibuno. Wakaakulya cinkwikwi u buci bwa mwisokwe.

⁷ Wakaakwaambilizha ati, “Uuzhiza munshi lyangu ulambaala bulemu, ume nsheelele kukotama ukwaangulula twaanzho twa mpato shakwe.

⁸ Ume ndamupapatiza u meenzhi, pele walo ulakamupapatiza u Moza Usalala.”

Kupapatizwa Ukutepaulwa kwa Jeso

⁹ Nikwakaita bulyo mazuba mashoonto, Jeso wakahwa ku munzhi wa Nazanleta, mucishi ca Galilaya, ngoonaawo Johani wakamupapatiza mu lweenje lwa Joodani.

¹⁰ Jeso mbwaakamuhwila bulyo mu meenzhi, wakabona izeulu lyayaluka, u moza waleza wakamuselucila kuhwa mwizeulu ukoya inzhiba.

¹¹ Inzho izwi lyakateelelwa kuhwa kwizeulu lyakaamba ati, “Ndiwe mwanangu nakufwunwa, ulimwi uwe ulanjinina.”

¹² Ngoonaawo Moza Usalala wakamutola mulukula,

¹³ momo mwakaakuli bulyo banyama bamwisokwe, Jeso wakakala ice mulukula kwa mazuba ali makumi one. Inzho Shaatani mubeshi mukando, naakamana kumutepaula, baanjelo bakeza kumufwutaucila.

Jesu weta Bazezhi Bone

¹⁴ Inzho Johani naakakwatwa ukubikwa muntolongo, Jeso wakaya ku cishi ca Galilaya kukambauka makani mabotu a Leza.

¹⁵ Wakaamba ati, “Ciindi cashika, Bwami bwa Leza bwaswena afwaafwi! Ubobo amusanduke kuhwa ku shibi shenu, mushome Makani Mabotu.”

¹⁶ Jeso naakaakuya bweenda ku mulando wa lwaatele lwa Galilaya, wakayana balombwana bobile, Saimoni u Andulu munina, balazela inswi.

¹⁷ Jeso wakabaambila ati, “Amuncilile kwaamba nkamucite bazezhi babantu.”

¹⁸ Ngoonaawo bakashiya tunyandi twabo bamucilila.

¹⁹ Naakaya lwaambele, wakabona banakwe Zebedi bobile, ba Jemusi u Johani. Kabali mu bwato balasasa tunyandi twabo.

²⁰ Mbwakababonena bulyo wakabeta. Inzho bakashiya Zebedi ushabo ubasebezhi bakwe mu bwato, bakamucilila Jeso.

Jeso Wakusha Moza Mubiyabi mu Muntu

²¹ Jeso u ba shiciiya bakwe bakashika mu munzhi wa Kapenaumi. Inzho nibwakaca mu buzuba bwa Sabata Jeso wakanjila mucikombelo caba Juda wakakanka kuyiisha.

²² Inzho bantu nibakateelela kuyiisha kwakwe bakazoowa, kaambo kakutakozhene u kuyiisha kwa balembi, mazwi aakwe alikwete insana.

²³ Ngoonaawo umwi muntu wakaakunjililwe moza mubiyabi wakanjila mucikombelo caba Juda, wakakwiila wabuzha ati,

²⁴ “No twakucitaanzhi uwe u Jeso waku Nanzaleta? Sa weza kutuzonauna? Ndikwizhi ati ndiwe Usalala wa Leza.”

²⁵ Jeso wakalemanina moza mubiyabi ati, “Liinze, hwa mu muntu wezu!”

²⁶ Moza mubiyabi wakakwiila, amane muntu wakasuntuka wawila anshi moza mubiyabi wakamuhwa.

²⁷ Boonse bantu bakazoowa cini cini, bakakanka kulibuzha ati, “Anu ncinzhi ceci? Nkuyiisha kupiya kuli buti koku? Wezu muntu ulikwete insana shakulemanina myoza mibiyabi ulimwi ilacita ncaayaambila!”

²⁸ Impuwo yaka Jeso yakazuwa mucishi coonse ca Galilaya.

Jeso Waponya Bantu Banji Banji

²⁹ Mbubakahwila bulyo mucikombelo caba Juda, wakaya kuŋanda yaka Saimoni antoomwi u Andulu u Jemusi u Johani.

³⁰ Inzho naakashika aŋanda bakamushimwina ati inazhala Saimoni mulwazhi mubili.

³¹ Jeso wakaya nkwaakaakulele. Wakamukwata etashi wamubusha, ngoonaawo wakapona wakanka kufwutauka.

³² Kube kumangolezha bantu bamumunzhi wezo bakamuletela bantu boonse bakaakusata malwazhi andeene andeene u babo bakaakunjililwe myoza mibiyabi.

³³ Bantu boonse ba mu munzhi momo bakabungana amulyango waŋanda yezho.

³⁴ Jeso wakaponya bantu banji banji bakaakusata malwazhi aandeene andeene ukukusha myoza mibiyabi minji minji. Myoza mibiyabi kateezeezha kwaamba, nkaambo kakuti keemwizhi.

Jesu Wakambauka mu Galilaya

³⁵ Nikwakaba kumancela Jeso wakabuka wahwa muŋanda. Amane wakamuhwa mu munzhi waya kubusena bwakuliiba kuya kukomba.

³⁶ Saimoni u beenzhiina mbucakaakuli abo nibakabona ati Jeso tewo bakaya kumukapula.

³⁷ Nibakamuyana, bakamushimwina ati, “Bantu boonse ndiwe baya bukapula.”

³⁸ Jeso wakabaingula ati, “Tulyeelele kuya kuminzhi iimwi ituzhingulucile. Ndyeelele kuya nkabakambaucile abo kaambo ceco ncindakezhila.”

³⁹ Ubobo wakeendeenda mucishi coonse ca Galilaya kuya bukambauka mu shikombelo shaba Juda ukukusha myoza mibiyabi.

Jesu Waponya Shicinsenda

⁴⁰ Inzho mulombwana umwi wakaakuli mulwazhi cinsenda wakeza kwa Jeso, wakamufwukamina wamulomba kwaamba amuyohwe. Wakaamba ati, “Naa ulazanda, ulakonzha kumponya.”

⁴¹ Jeso wakeetezhewa. Wakahungulula itashi lyakwe ukumwaampa, wamwaambila ati, “Ndazanda, pona!”

⁴² Ngoonaawo shicinsenda wakapona.

⁴³ Jeso wakamulaila cini cini,

⁴⁴ wakamwaambila ati, “Teelela, kutabi muntu nguushimwina makani aza, pele koya ukalitondezhe ku mupaizhi, ukape cipaizho mbuli mbwaakalailila Mozesi, kwaamba cikabe citondezho ku bantu boonse kwaamba wapona cini cini.”

⁴⁵ Muntu wezo wakaya ulaya bwaambilizha makani aza, ubobo Jeso cakamukacila kunjila mu munzhi kaanzambwene. Ubobo wakakala kulaale u minzhi. Nikuba bobo bantu kabeza kwakwe kuhwa kumasena andeene andeene.