Bakolose 1 - Izwi lya Leza

¹ Ume ndi Paulu wakasalwa u Leza kwaamba mbe mutumwa wa Kilisito Jesu u mukwesu Timoti,

² Twamulembela nu bantu ba Leza mu Kolose, bakwesu mu lukamantano u Kilisito, akube luse u luumuno luhwa kwa Leza Tatesu.

Kukomba kwa Kulumba

³ Lyoonse nitumukombela tulapa kulumba kwa Leza ushi Mwami wesu Jeso Kilisito,

⁴ nkaambo twakaluteelela lushomo lwenu mwa Kilisito Jeso umbumufwini bantu boonse ba Leza.

⁵ Lushomo lwenu u lufwuno shili zhimine abulanjizhi mbumubambililwe kwizeulu. Ciindi nimwakateelela Makani Mabotu a lushinizho.

⁶ Makani Mabotu akeza kwenu ulimwi alaya bweezha micelo u kuya buteelelwa inshi yoonse, ubobo aciya bweezha kuhwa ku buzuba mbumwakateelela u kuzhiba luse lwa Leza.

⁷ Mwakaayiya aza makani a luse lwa Leza kwa Epafulasi musebezhi nokwesu walo uli ngu musebezhi mushomeshi ulimwi mufwunwa wa Kilisito utuzhiminina.

⁸ Wakatushimwina alufwuno ndumwakayana ku Moza wa Leza.

⁹ Ukaambo kaaza makani tulamukombela lyoonse kuhwa nitwakamuteelela mbumupona. Tulapumpa kwa Leza kwaamba amupe luzhibo luzwile lwa luzando lwakwe u busongo u kuteelela kuhwa ku Moza Usalala.

¹⁰ Tulakomba kwaamba mupone bumi mbwaazanda Mwami, bumubotela munzhila shoonse. Mulyeelele kucita milimo yoonse mibotu kwaamba mukomene mu luzhibo lwa Leza.

¹¹ Amuzume kunsana nshimupewa kuhwa ku bulemu bwa Leza, ulimwi amulibambile kuba ba shicamba cilemu, mutaciti cinuku mu shintu shoonse, pele calutangalo.

¹² Noomulumbe Leza Taata walo wakamupa kwaamba ati muyane ceelelo cakukona lukono lwa bantu ba Leza mu bwami bwa mumuni.

¹³ Nkaambo wakatupatulula munsana shamushinzhe ukutuleta mu bwami bwa Mwanakwe nakufwunwa.

¹⁴ Kwiita mwakwe tulayana lufwutuko u kulecelelwa shibi.

Jeso Ulabaala ali Shoonse

¹⁵ Kilisito ncinkozha ca Leza utabonwa. Ngu Mwana wa kuzhala mutaanzhi, mukando ku shilenje shoonse.

¹⁶ Nkaambo kwiita mwakwe, Leza wakalenga shoonse shintu shili anshi u kwizeulu, u shibonwa u shitabonwa, bwami u bulelo, bami u baleli u beendelezhi. Leza wakalenga shoonse shintu kwiita mwakwe, ulimwi ngwaakalengela.

¹⁷ Kilisito kaliko kale kashitana kuba shoonse shintu, mwakwe shoonse shintu shakayana masena ayelele.

¹⁸ Kilisito ngu mutwi wa mubili, wezo mubili ncikombelo, ngu makancilo. Ngu mwanakwe mutaanzhi wakabushiwa ku bafwu kwaamba ayane busena butaanzhi ku shintu shoonse.

¹⁹ Cakamubotela Leza kwaamba bu Leza bwakwe boonse bube mwa Kilisito.

²⁰ Kwiita u Mwanakwe Leza wakayanzana u shintu shoonse mbushibelele nishiba sha anshi na sha mwizeulu, ciindi naakaleta luumuno kwiita mubulowa bwa Mwanakwe aciciinkano, ubobo wakashiyanzanya kwakwe shoonse shintu shili anshi u kwizeulu.

²¹ Kale kale mwakaakusakene kwa Leza ulimwi mwakaakuli ba shinkondonina u Leza ukaambo ka shintu shibiyabi nshimwakaakucita u kutelaika.

²² Pele inzho ukaambo kalufwu lwa mubili wa Mwanakwe, mwaba balongwaakwe Leza kwaamba amulete kwakwe mu bululami busalala, ulimwi bwiina kampenda.

²³ Mulyeelele kukwatisha cini cini ku lushomo, cakutazungaana mu bulanjizhi bwenu mbumwaka shomezhewa bwa Makani Mabotu ngumwakateelela, azo a kakambaukwa ku shilenje shoonse sha anshi ano. Kaka nkukaambo ume ndi Paulu ncindakabela mutwanga wa Makani Mabotu.

Paulu Wasebezela Imbungano

²⁴ Inzho ndibotelelwe ku makani akumupenjela mu mubili wangu, nkaambo kwiita mu kumupengela koku, ndaazulizha mapenzhi aka Kilisito acisheele kuzhiminina mubili wakwe wa cikombelo.

²⁵ Leza wakancita butwanga ku cikombelo cakwe, ndakapewa mulimo wa kumusebezela. Ndikwete mulimo wa kwaamba izwi lya Leza lizhibwe buzulile,

²⁶ ali ngumasesece ngaakaseseka Leza kumazhalane oonse a kale kale. Inzho Leza waazubulula ku bantu bakwe.

²⁷ Leza wakasala kubazubulwila bantu bakunze, maseseke mabotu a bulemu ku bantu boonse. Maseseke ngakuti Kilisito uli mwako, calo caamba bulanjizhi bwa bulemu.

²⁸ Ubobo tulakambauka Kilisito ku bantu boonse. Kwiita mu busongo mbutwakapewa tulacenjezha u kuyiisha bantu boonse kwaamba balondoce mu lukamantano u Kilisito.

²⁹ Ndasebeza cakulipenzha, kwiita mu nsana inkando nshaapa Kilisito nshinkwete ulimwi shisebeza muli ume.