Nehemiah 7 - Ika

Isi Nke Ẹsa Nehimaya E Bu Jerusalẹm Che Hanan Ẹka

¹ Ogẹn wẹ gi rụngụ mgbọn hụ, e yikingụ m ọnụ-mgbọn ndị rịn'a, ẹnyi nọ tumẹsọnmẹ ndị e che nche ọnụ-mgbọn ile rị Ụlọ-nsọ lẹ ndị ọkụ-ẹbụ, buchesọnmẹ ndị ebọn Livaị ọnọdị ọrụn wẹ.

² Ya m nọ bu Jerusalẹm che nwẹnẹ m okẹnnyẹ wụ Hanani ẹka, ịya lẹ Hanania, ọkị-agha hụn kị ndị agha eze imẹ Jerusalẹm. M mẹ ẹrịra makẹni Hanani wụ ịhịan esi, ọ tụzịkwọ egun Osolobuẹ karị imẹrinmẹ ịhịan.

³ M nọ sị wẹ, “Akpọpụkwọlẹ ni ọnụ-mgbọn Jerusalẹm d'e ru nị anwụn e kẹnrẹngụ. Ndị nche rị ọrụn wẹ kpọkinchanrịngụ ọnụ-mgbọn ile, fidọn wẹ, wẹ kebe gbashịa. Gha nị imẹ ndị bi Jerusalẹm ebeni họrị ndị ụnụ k'e tumẹ ndị nche: ndị ụnụ k'e zijẹn ọdụ nche ichẹn-ichẹn lẹ ndị k'e che nche ẹhụ iwe wẹ.”

Ndị Gha Alị Wẹ Kpụnjẹn Wẹ Lụaha

⁴ Jerusalẹm shịa ẹfọ, hi-ogbe, kanị ndị rị imẹ ẹ ebuni ọda, wẹ e ke tụnmazị ụlọ ọda imẹ ẹ.

⁵ Ya Chuku m nọ bu ẹ che m obi nị m kpọkikomẹ ndị-isi lẹ ndị-isi ọrụn gọmẹnti lẹ ndị alị, nị ẹnyi gi uri-uri detusọnmẹ ẹfan, ezi-lẹ-ụlọ, ezi-lẹ-ụlọ. M nọ hụn ẹkụkwọ wẹ gi deye ẹfan ndị bu ụzọ lụa lẹ ndị mụnị wẹ. Lee ihiẹn m hụn imẹ ẹ:

⁶ Ndịnị wụ ndị Ẹgbẹrẹni lụahanị imẹ ndị wẹ kpụnshi alị ichẹn-ichẹn ogẹn hụ Nebukadineza gi kpụnrụn ndị alịnị shi alị ndị ọzọ; wẹ lụakin Jerusalẹm lẹ Juda, onyẹ-onyẹ lashi obodo ẹ —

⁷ uwẹ lẹ Zerubabẹlụ lẹ Jeshụa lẹ Nehimaya lẹ Azaria lẹ Raamia lẹ Nahamanị lẹ Mọdikaya lẹ Bil'shanị lẹ Mispẹrẹti lẹ Big'vaị lẹ Nehum lẹ Baana. Ndị Izrẹlụ lụahanị wụ ndịnị:

⁸ Ụmụ Parọshị: madụ mmẹbụọ kwasị ọgụn ẹsatọ kwasị nnụ-uku ẹbụọ (2,172);

⁹ ụmụ Shẹfatịa: madụ mmẹbụọ kwasị ọgụn mmẹsatọ (372);

¹⁰ ụmụ Ara: madụ ẹsatọ arịa ọgụn-mmẹtọ kwasị nnụ (652);

¹¹ ụmụ Pahatị-Mụabụ (ndị hụn ụmụ a wụ Jeshụa lẹ Jụabụ mụ): madụ mmẹsatọ kwasị nnụ-ẹsa (2,818);

¹² ụmụ Ẹlam: madụ isin arịa ọgụn-ẹtọ kwasị nnụ-ẹtọ (1,254);

¹³ Ụmụ Zatu: madụ isẹn kwasị ọgụnnaị kwasị nnụnaị (845);

¹⁴ ụmụ Zakaị: madụ ọgụnnaị arịa nnụnaị (760);

¹⁵ ụmụ Binui: madụ ẹsatọ kwasị ọgụn-mmẹbụọ kwasị nnụ (648);

¹⁶ ụmụ Bebaị: madụ ẹsatọ kwasị ọgụn-mmanaị kwasị nnụ (628).

¹⁷ Ụmụ Az'gadị rị ẹbụọ kwasị ọgụn-mmisin kwasị nnụ-isẹn (2,322).

¹⁸ Ụmụ Adonikam rị ẹsa kwasị ọgụn-mmẹtọ kwasị nnụ (667);

¹⁹ ụmụ Big'vaị, ẹsa kwasị ọgụn-ẹtọ kwasị nnụ-isẹn (2,067);

²⁰ ụmụ Adini, mmisẹn kwasị ọgụn-mmẹbụọ kwasị nnụ (655);

²¹ ụmụ Ata (ndị hụn Hezikaya mụ) rị ẹbụọ arịa ọgụn-isẹn (98).

²² Ụmụ Hashum rị ẹsatọ kwasị ọgụn-mmisin (328);

²³ ụmụ Bezaị rị ẹnọ kwasị ọgụn-mmisin (324);

²⁴ ụmụ Harifu rị mmẹbụọ kwasị ọgụn-isẹn (112);

²⁵ ụmụ Gibiọnụ rị isẹn arịa ọgụn-isẹn (95).

²⁶ Ndị Bẹt'lẹhẹm lẹ Netofa rị mmẹbụọ arịa ọgụn-iri (188).

²⁷ Ndị Anatọtụ rị ẹsatọ kwasị ọgụn-isin (128);

²⁸ Ndị Bẹt-Az'mavẹti rị ẹbụọ kwasị ọgụnnaị (42);

²⁹ Ndị Kiriatị-Jiarim, Kẹfira lẹ Biẹrọtụ rị ẹtọ kwasị ọgụn-mmẹsa kwasị nnụ (743).

³⁰ Ndị Rama lẹ Gẹba rị ohu kwasị ọgụn-mmanaị kwasị nnụ (621).

³¹ Ndị Mik'mashị rị ẹbụọ kwasị ọgụn-isin (122).

³² Ndị Bẹtẹlụ lẹ Aị rị ẹtọ kwasị ọgụn-isin (123).

³³ Ndị Nebo hụn ẹbọ rị mmẹbụọ kwasị ọgụn-ẹbụọ (52).

³⁴ Ndị Ẹlam hụn ẹbọ rị mmẹnọ kwasị ọgụn-mmẹbụọ kwasị nnụ-uku (1,254).

³⁵ Ndị Harim rị ọgụn mmisin (320).

³⁶ Ndị Jẹriko rị isẹn kwasị ọgụn-mmẹsa (345).

³⁷ Ndị Lodu, Hadidi lẹ Ono rị ohu kwasị ọgụn-mmisin kwasị nnụ (721).

³⁸ Ndị Sẹnaa rị iri kwasị ọgụn-ẹtọ arịa nnụ-iri (3,930).

³⁹ Ndị nchụn-ẹjan lụahanị wụ ndịnị: Ụmụ Jedaya (ndị nwa a wụ Jeshụa mụ): madụ mmẹtọ kwasị ọgụn-ẹsatọ kwasị nnụ-ẹbụọ (973);

⁴⁰ ụmụ Ima; madụ mmẹbụọ kwasị ọgụn-ẹbụọ kwasị nnụ-uku (1,052);

⁴¹ ụmụ Pashuru; madụ ẹsa kwasị ọgụn-ẹbụọ kwasị nnụ-ẹtọ (1,247);

⁴² ụmụ Harim rị mmẹsa kwasị nnụ-uku (1,017).

⁴³ Ndị Livaị lụanị wụ ndịnị: Ụmụ Jeshụa (ndị hụn Hodavia nwa Kad'miẹlụ nwa Jeshụa mụ): madụ mmẹnọ kwasị ọgụn-ẹtọ (74).

⁴⁴ Ndị ọkụ-ẹbụ lụanị wụ ndịnị: ụmụ Asafụ: madụ ẹsatọ kwasị ọgụn-ẹsa (148).

⁴⁵ Ndị e che ọnụ-mgbọn Ụlọ-nsọ lụanị wụ ndịnị: ụmụ Shalum, ụmụ Ata, ụmụ Tal'mọnụ, ụmụ Akubu, ụmụ Hatita lẹ ụmụ Shobaị, madụ mmẹsatọ kwasị ọgụn-isin (138).

⁴⁶ Ndị e jẹn ozi imẹ Ụlọ-nsọ lụanị wụ ndịnị: ụmụ Ziha, ụmụ Hasufa, ụmụ Tabawotu,

⁴⁷ ụmụ Keirosu, ụmụ Sia, ụmụ Padọnụ

⁴⁸ ụmụ Lebana, ụmụ Hagaba, ụmụ Shalụmaị,

⁴⁹ ụmụ Hanan, ụmụ Gidẹlụ, ụmụ Gaha,

⁵⁰ ụmụ Riaya, ụmụ Rẹzini, ụmụ Nekoda,

⁵¹ ụmụ Gazam, ụmụ Uza, ụmụ Pasia,

⁵² ụmụ Besaị, ụmụ Mẹyunu, ụmụ Nefusim

⁵³ ụmụ Bak'buku, ụmụ Hakufa, ụmụ Hahọ,

⁵⁴ ụmụ Baz'lutu, ụmụ Mehida, ụmụ Har'sha,

⁵⁵ ụmụ Bakọsụ, ụmụ Sisẹra, ụmụ Tẹmahi

⁵⁶ ụmụ Nezịa, ụmụ Hatifa.

⁵⁷ Ụmụ idibo Solomọnụ lụanị wụ ndịnị: Ụmụ Sotaị, ụmụ Sofẹrẹtị, ụmụ Pẹrida;

⁵⁸ ụmụ Jaala, ụmụ Dar'kọnụ, ụmụ Gidẹlụ,

⁵⁹ ụmụ Shẹfatịa, ụmụ Hatili, ụmụ Pokẹrẹti-Hazẹbaim lẹ ụmụ Amọnụ.

⁶⁰ Ndị ile e jẹn ozi imẹ Ụlọ-nsọ lẹ ụmụ idibo Solomọnụ ile rị ẹsatọ arịa nnụ (392).

⁶¹ O nwọnzighọ ndị ghasọnmẹ obodo Tẹlụ-Mela lẹ Tẹlụ-Hasha lẹ Kẹrubu lẹ Adọnụ lẹ Ima lụaha, kanị asanị wẹ ẹka ghọsị ebọn wẹ mọbụ ẹbozo wẹ ghapụha. Ndịnị rọ:

⁶² ụmụ Dẹlaya, ụmụ Tobaya lẹ ụmụ Nekoda: wẹ rị ẹbụọ kwasị ọgụn-mmẹbụọ kwasị nnụ (642).

⁶³ Ndị nchụn-ẹjan salẹni ẹka ghọsị ebọn wẹ wụ ndịnị: ụmụ Hobaya, ụmụ Hakọzụ, ụmụ Bazilaị (okẹnnyẹ hụn lụrụ nwa Bazilaị onyẹ Gilẹdị nẹi, zama ẹfan ọgọ a wụ Bazilaị.)

⁶⁴ Ndịnị chọ ẹfan ikpụlọ wẹ ebe wẹ deye nke ịhịan ile, ahụnnị w'a, ya wẹ nọ gụnpụ wẹ imẹ ndị nchụn-ẹjan lẹ ọrụn wẹ — n'a rịnị wẹ ọchan.

⁶⁵ Ya Gọvanọ nọ sị wẹ nị erikọ wẹ ihiẹn ọwụlẹ imẹ ihiẹn-oriri ndị hụ rịchanrịn-nsọ ndị nchụn-ẹjan e ri — d'e ru nị onyẹ nchụn-ẹjan ma gi Urim lẹ Tumim wẹ gi a jụ Osolobuẹ uche ẹ.

⁶⁶ Igunrun hụ ile lụahanị rị ọgụn-mmẹsatọ kwasị nnụ-uku ẹbụọ kwasị ọgụn-ẹbụọ (42,360) —

⁶⁷ wezụka idibo wẹ ikẹnnyẹ lẹ ikpoho hụn rị mmadụ mmẹsa kwasị ọgụn-mmisin kwasị nnụ-uku ẹsa (7,337); wẹ nwọnzikwọ ikẹnnyẹ kẹ ikpoho ọzọ a bụ ẹbụ — madụ isẹn kwasị ọgụn mmẹbụọ (245).

⁶⁸ Ẹshin wẹ rị mmisin kwasị ọgụn-mmisin kwasị nnụ (736); anyịnyan-mulu wẹ rị isẹn kwasị ọgụn mmẹbụọ (245);

⁶⁹ anyịnyan-mkpukpuke wẹ rị isẹn arịa ọgụn-ẹbụọ kwasị nnụ (435); Jaki wẹ rị ọgụn-mmisin kwasị nnụ-mmisin (6,720).

⁷⁰ Ndị-isi ichẹn-ichẹn ye ihiẹn nị wẹ gi rụn ọrụn Ụlọ-nsọ: Ihiẹn ndịnị kẹ Gọvanọ buche ebe w'e butọ ihiẹn nị wẹ gi rụn ọrụn hụ: akpụrụ goru nnụ-uku, afẹrẹ iri kwasị ọgụnnaị lẹ ẹwuru ndị nchụn-ẹjan iri kwasị ọgụn-isin kwasị nnụ (530).

⁷¹ Ndị-isi ikpụlọ ichẹn-ichẹn buche akpụrụ goru nnụ-uku ọgụn (20,000) lẹ akpụrụ siliva ọgụn-iri kwasị nnụ-uku ẹbụọ.

⁷² Hụn ndị họdụnị ye wụ akpụrụ goru nnụ-uku ọgụn lẹ ẹkpa siliva nta nnụ-isin lẹ ẹwuru ndị nchụn-ẹjan ẹsa kwasị ọgụn-ẹtọ.

⁷³ Ẹrịra kẹ ndị nchụn-ẹjan lẹ ndị Livaị lẹ ndị e che nche ọnụ-mgbọn Ụlọ-nsọ lẹ ụfọdụ ndị-mmaka lẹ ndị ọkụ-ẹbụ lẹ ndị e jẹn ozi Ụlọ-nsọ lẹ ndị Izrẹlụ ndị ọzọ dọn lụahasọnmẹ obodo wẹ. Ifọn nke ẹsa, ndị Izrẹlụ e birigụọ obodo wẹ rị ichẹn-ichẹn,