Malakaị 4 - Ika

Isi Nke Ẹnọ Ụhụọhịn Osolobuẹ Jẹnkọ d'a bịarịrị

¹ “Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

² “Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

³ Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku.

⁴ “Nyanhankwọ nị Iwu odibo m wụ Mozizi, iwu lẹ ọdịnalị ile m ye ẹ elu Ugu Saịnaị wụ Horẹbụ n'o tumẹni Izrẹlụ ile.

⁵ M k'e zihẹni ụnụ Ẹlaịja onyẹ-amụma Ụhụọhịn Osolobuẹ gini d'e ru, okẹn ụhụọhịn hụ a tụ egun;

⁶ o k'e mẹ ndị nẹdi romẹzi ụmụ wẹ, mẹ ụmụ romẹzi ndị nẹdi wẹ — m bịa, amamgbe m'e tikpọ alịnị makẹni ọ rụgụọ.”