Joshụa 21 - Ika

Isi Nke Ohu Kwasị Ọgụn Obodo Ndị Wẹ Yesọnmẹ Ndị Livaị

¹ O mẹgụ, ndị-ichẹn ebọn Livaị nọ bịa d'e kunrun onyẹ-isi nchụn-ẹjan wụ Ẹliẹza, Joshụa nwa Nọnụ lẹ ndị-ichẹn ebọn ndị ọzọ rịsọnmẹ Izrẹlụ

² imẹ Shilo rị alị Kenaanị, sị wẹ, “Osolobuẹ sị Mozizi gwa ụnụ ye ẹnyi obodo ndị ẹnyi k'e bi lẹ ọfịa ndị ẹnyi a nọ zụn ihiẹn-uriri ẹnyi.”

³ Kẹ Osolobuẹ dọn ku, ndị Izrẹlụ nọ gha imẹ alị wẹ keye ndị Livaị obodo ndịnị lẹ ọfịa ndị w'a nọ zụn anụ wẹ:

Ụmụ Kohatị

⁴ Ndị Kohatị lẹ ikpụlọ ndị rị imẹ wẹ kẹ wẹ gi utẹn-Osolobuẹ keye nke ibuzọ. Obodo mmẹtọ rịsọnmẹ alị ndị ebọn Juda, Simiọnụ lẹ Bẹnjamini kẹ wẹ ye ndị Livaị hụn wụ ụmụ Ẹrọnụ onyẹ nchụn-ẹjan, onyẹ ẹbozo Kohatị.

⁵ Wẹ nọ nọ nke ebọn Ifrem, Danị lẹ mgbube ebọn Manasẹ rị ọdịdan-ẹnyanwụn ye ndị Kohatị họdụnị obodo iri.

Ụmụ Gẹshọnụ

⁶ Nke ụmụ Gẹshọnụ, obodo mmẹtọ kẹ wẹ ye wẹ; nke ebọn Isaka, Asha, Naf'tali lẹ mgbube Manasẹ rị ẹgbẹrẹ Bashanị kẹ wẹ nọ ye wẹ.

Ụmụ Mẹrari

⁷ Nke ụmụ Mẹrari lẹ ikpụlọ rị ichẹn-ichẹn rịn'a, obodo mmẹbụọ kẹ wẹ ye wẹ; nke ebọn Rubẹni, Gadị lẹ Zẹbulọnụ kẹ wẹ nọsọnmẹ ye wẹ.

⁸ Ẹrịra kẹ ndị Izrẹlụ dọn ye ndị Livaị obodo ndịnị lẹ ọfịa ndị rịsọnmẹni wẹ hụn wẹ nọ a zụn anụ, nọkẹ kẹ Osolobuẹ dọn gwa Mozizi.

⁹ Obodo ndị wẹ keye wẹ imẹ ebọn Juda lẹ Simiọnụ wụ ndịnị wẹ jẹnkọ d'a kpọ ẹfan.

¹⁰ Nke ndị Kohatị: obodo ndị wẹ ye ụmụ Ẹrọnụ, ya wụ ndị nchụn-ẹjan rị imẹ ndị ikpụlọ Kohatị nwa Livaị, ndị hụn utẹn-Osolobuẹ bu ụzọ hanrịn, wụ

¹¹ Kiriatị-Aba (hụn wụ Hibrọnụ) lẹ ọfịa fihunmẹn'ẹ wẹ nọ a zụn ihiẹn-uriri; alị-ugu Juda k'ọ rị. (Aba wụ nẹdi ndị adụn-aran Anakị.)

¹² Kanị Kalẹbụ nwa Jefunẹ kẹ wẹ ye ọfịa họdụnị hụn fihunmẹ hụn wẹ nọ a zụn anụ lẹ ụmụ-alị fihunmẹ obodo hụ n'ọ wụrụ ukuu ẹ.

¹³ Ya wụ, hụn wẹ ye ụmụ Ẹrọnụ onyẹ nchụn-ẹjan wụ Hibrọnụ (obodo onyẹ ọ rụnahịn gbu ịhịan a gbaban) lẹ Libna,

¹⁴ Jatiri, Ẹsh'tẹmụa,

¹⁵ Holọnụ, Debẹ,

¹⁶ Aini, Juta lẹ Bẹt-Shẹmẹshi — wẹ lẹ ọfịa rịsọnmẹni wẹ wẹ nọ a zụn ihiẹn-uriri; obodo itenẹi kẹ wẹ nọ nke ebọn ẹbụọ hụ ye wẹ.

¹⁷ Hụn wẹ ye wẹ imẹ nke ebọn Bẹnjamini wụ Gibiọnụ, Gẹba,

¹⁸ Anatọtụ lẹ Al'mọnụ — wẹ lẹ ọfịa rịsọnmẹni wẹ wẹ nọ a zụn anụ; wẹ ile wụ obodo ẹnọ.

¹⁹ Ya wụ, obodo ile wẹ ye ndị nchụn-ẹjan, ụmụ Ẹrọnụ, rị mmẹtọ — uwẹ lẹ ọfịa rịsọnmẹni wẹ hụn wẹ nọ a zụn ihiẹn-uriri.

²⁰ Imẹ nke ebọn Ifrem, obodo ndịnị kẹ wẹ ye ndị Livaị ndị ikpụlọ Kohatị họdụnị:

²¹ ndị wẹ ye wẹ alị-ugu Ifrem wụ Shẹkẹm (obodo onyẹ ọ rụnahịn gbu ịhịan a gbaban) lẹ Gẹza,

²² Kibzaim lẹ Bẹt-Họrọnụ, wẹ lẹ ọfịa rịsọnmẹni wẹ wẹ nọ a zụn ihiẹn-uriri — obodo ẹnọ.

²³ Hụn wẹ ye wẹ imẹ nke ebọn Danị wụ Ẹl'tẹkẹ, Gibẹtọnụ,

²⁴ Aịjalọnụ lẹ Gatị-Rimọnụ, wẹ lẹ ọfịa rịsọnmẹni wẹ wẹ nọ a zụn anụ — obodo ẹnọ.

²⁵ Hụn wẹ ye wẹ imẹ nke ndị Manasẹ rị ẹbamịn ndịdan-ẹnyanwụn wụ Taanakị lẹ Gatị-Rimọnụ, wẹ lẹ ọfịa rịsọnmẹni wẹ wẹ nọ a zụn ihiẹn-uriri — obodo ẹbụọ.

²⁶ Obodo iri ndịnị lẹ ọfịa ile rịsọnmẹni wẹ wẹ nọ a zụn ihiẹn-uriri kẹ wẹ ye ikpụlọ Kohatị họdụnị wụlẹni ụmụ Ẹrọnụ.

²⁷ Nke ndị ebọn Livaị wụkwasị ụmụ Gẹshọnụ nwa Livaị, hụn wẹ ye wẹ imẹ alị mgbube Manasẹ rị Bashanị wụ obodo ndịnị: Golanị hụn rị imẹ Bashanị (Golanị wụ obodo onyẹ ọ rụnahịn gbu ịhịan a gbaban) lẹ Bẹ-Ẹsh'tara, wẹ lẹ ọfịa ile rịsọnmẹni wẹ wẹ nọ a zụn ihiẹn-uriri — obodo ẹbụọ;

²⁸ hụn wẹ ye wẹ imẹ nke ebọn Isaka wụ Kishiọnụ, Dabẹratị,

²⁹ Jamutu lẹ Ẹn-Ganim, wẹ lẹ ọfịa ile rịsọnmẹni wẹ wẹ nọ a zụn anụ — obodo ẹnọ.

³⁰ Hụn wẹ ye wẹ imẹ nke ebọn Asha wụ ndịnị: Mishalụ, Ab'dọnụ,

³¹ Hẹl'katị lẹ Rehobu, wẹ lẹ ọfịa ile rịsọnmẹni wẹ hụn wẹ nọ a zụn ihiẹn-uriri — obodo ẹnọ.

³² Hụn wẹ ye wẹ imẹ nke ebọn Naf'tali wụ ndịnị: Kẹdẹshi rị Galili (Kẹdẹshi wụ obodo onyẹ ọ rụnahịn gbu ịhịan a gbaban), Hamọtụ-Dọ lẹ Katanị, wẹ lẹ ọfịa ile rịsọnmẹni wẹ hụn wẹ nọ a zụn ihiẹn-uriri — obodo ẹtọ.

³³ Obodo ile wẹ ye ndị Gẹshọnụ rị mmẹtọ, wẹ lẹ ọfịa ile rịsọnmẹni wẹ wẹ nọ a zụn anụ.

³⁴ Nke ụmụ Mẹrari, ndị Livaị họdụnị, nke ebọn Zẹbulọnụ kẹ wẹ nọ ye wẹ obodo ndịnị: Joknịam, Kata,

³⁵ Dimna lẹ Nahalalụ, wẹ lẹ ọfịa ile rịsọnmẹni wẹ wẹ nọ a zụn anụ — obodo ẹnọ.

³⁶ Hụn wẹ ye wẹ imẹ nke ebọn Rubẹni wụ ndịnị: Bẹza, Jahazị,

³⁷ Kẹdẹmọtụ lẹ Mẹfaatị, wẹ lẹ ọfịa ile rịsọnmẹni wẹ wẹ nọ a zụn ihiẹn-uriri — obodo ẹnọ.

³⁸ Hụn wẹ ye wẹ imẹ nke ebọn Gadị wụ ndịnị: Ramọtụ hụn rị Gilẹdị, (Ramọtụ wụ obodo onyẹ ọ rụnahịn gbu ịhịan a gbaban), Mahanaim,

³⁹ Hẹsh'bọnụ lẹ Jaza, wẹ lẹ ọfịa ile rịsọnmẹni wẹ wẹ nọ a zụn anụ — obodo ẹnọ.

⁴⁰ Obodo ile wẹ ye ụmụ Mẹrari, ndị Livaị họdụnị, rị mmẹbụọ.

⁴¹ Ya wụ, obodo ile wụ nke ndị Livaị imẹ alị ndị Izrẹlụ rị ẹsatọ kwasị ọgụnnaị, wẹ lẹ ọfịa ile rịsọnmẹni wẹ hụn wẹ nọ a zụn ihiẹn-uriri.

⁴² Obodo ndịnị wẹ nwọnsọnmẹ ọfịa fihunmẹni wẹ wẹ nọ a zụn anụ; ẹrịra kẹ obodo ndịnị ile rịsọnmẹ.

⁴³ Ẹrịra kẹ Osolobuẹ dọn ye ndị Izrẹlụ alị ahụn ile o kun enwẹn ẹ kwe ndị nẹdi wẹ kanị nkwa n'o k'e ye wẹ; wẹ nọ weri ẹ, biri ebẹhụ.

⁴⁴ Osolobuẹ nọ ye wẹ ezumikẹn, obi e ru wẹ alị azụụn ile, k'o dọn kun enwẹn ẹ kwe ndị nẹdi wẹ kanị nkwa; onwọnni akpụ eṅẹnrẹn wẹ ohu sa ẹka che wẹ ọgụn; Osolobuẹ mẹ wẹ mẹrichanrịn ndị iṅẹnrẹn wẹ ile.

⁴⁵ Onwọnni nkwa ohu Osolobuẹ mẹzulẹni imẹ nkwa ọma ile o kwe ikpụlọ Izrẹlụ; o mẹzuchanrịn uwẹ ile.